最佳動作設計由《湄公河行動》董瑋奪得，由代表領取。但頒呢個獎三位嘉賓，重量級，分別是梁小龍，陳惠敏，盧惠光。三人一出場，台下掌聲如雷。台下觀眾包括洪家班嘅洪金寶，成家班嘅成龍。三人一出場，向觀眾鞠躬話大家好，然後……
梁：梁小龍 陳：陳惠敏 盧：盧惠光先講點入行，
陳：(拍拍梁)你係紅褲仔出身，家族都係做電影，我同你唔同，我就半途出家嘅。我打交打到入電影界。
梁：嘩，真係夠霸氣
盧：(一輪泰國話)我都係打拳入行嘅。
梁：我有十一個兄弟，我排行最大，自細學過功夫，為家計，我16歲就入行做龍虎武師一直做咗50年就到今日喇。
盧：小龍哥你有冇咁多兄弟？
梁：你真係未見過大蛇屙尿喇！我邊度夠敏哥多兄弟？沙頭角嗰條村有一半都係佢兄弟。(陳係咁想佢收聲)
陳：俗語有話，文無第一，武無第二
梁：嘩，敏哥你咁好文采嘅？我以為你只係識打交0架咋，文人多大話呀嘛。
盧：我好記得，好多年前，有個大導演同我講，盧惠光，功夫，兩個字。
陳：你錯喇！功夫得一個字
梁：咁就要洗耳恭聽喇，邊一個字？
盧：型字囉！
陳：冇錯喇
盧：點解我哋後生嗰陣咁鍾意睇功夫片？因為型！
(略)
梁：其實今晚最主要嚟呢度，係頒呢個金像獎。
陳：咩金像獎呀？
盧：小龍哥，有幾型呀？
梁：哈！奧斯卡都冇呢個獎呀，你話型唔型呀？
陳：小龍呀……呢個獎最近唔係成龍哥攞咗㗎咩？
盧：哦……最近大哥攞嗰個呢……係成就獎嚟嘅(表情猶豫似係唔想講)
梁：唔好講咁多廢話喇！
陳：即係老人獎
梁：唔好講咁多喇！
陳：大家老喇！
梁：細聲啲！細聲啲！敏哥你好似舊年先擺大壽咋，唔好講人哋喇！
盧：咁我哋睇片
梁：嘻！我都未講完你又爭住講！俾你講埋佢！
盧：到你講啦龍哥！
梁：你又唔識講！真係吖！今晚我哋就睇吓邊個功夫嘅精英能夠被提名！盧惠光同成龍嘅恩怨，可以追溯到多年前林鳳嬌取代陳自強為成龍嘅公司揸旗後叮走盧惠光，盧惠光當年哭訴遣散費不夠10萬。(新聞連結： http://bit.ly/2oPcwHu )
| (電視截圖) | | |
| | | |
|
鍾意就快D Share啦！
|
|
|
