掃呢頁CODE去手機

2017年4月23日 星期日

林盛斌追仔成功 開心到噴飯 __,林盛斌,

「恨仔恨到流晒口水」的Bob昨日在社交網公布太太又有喜,今年9月生得!
林盛斌追仔成功開心到噴飯藝人林盛斌(Bob)與太太PearlWong結婚多年先後誕下3名愛女,經常將「追仔」兩字掛在口邊的Bob近日終於如願,太太佗着 ...


林盛斌追仔成功 開心到噴飯

藝人林盛斌(Bob)與太太Pearl Wong結婚多年先後誕下3名愛女,經常將「追仔」兩字掛在口邊的Bob近日終於如願,太太佗着「慈姑椗」,預產期為今年9月。一身兒女債的Bob笑言要各界好友多多關照,自己會努力儲奶粉錢。問到是否「收工」,他笑說:「講唔埋,如果老婆仲肯生咪得囉,我會做娛樂圈多仔公!」

Bob與太太出名「好生養」,婚後誕下三女,分別為8歲長女霏兒、5歲次女熹兒及2歲幼女機兒,一家五口幸福美滿!不過Bob就「恨仔恨到口水流」,近年不時公開表示會繼續積極造人,果然皇天不負有心人,近月Pearl夢熊有兆,且證實今次腹中塊肉是男丁,一家興奮心情可想而知!

網民詛咒忍口唔爆

不過,一向「無事不可對人言」的Bob,今次即使太太懷孕超過3個月,仍遲遲未有公布喜訊,早前更有網民詛咒他「冇仔送終」,令不少粉絲替Bob不值!其實當時Pearl已腹大便便,兩公婆「啞子食黃連」,直至昨日才在社交網「報喜」,原來背後有隱衷!

Bob昨日接受電話訪問時說:「知道好多朋友關心自己,隱瞞大家要講句唔好意思。去年有好多識風水命理嘅朋友都話我會生雞B,不過一直冇聲氣,太太去年10月忽然話有B,點知兩個星期就冇咗,我哋空歡喜一場,原本我都冇諗過,點知12月佢又有咗,大家心情好似坐過山車咁,所以經商量後我哋想佗穩啲先,再同大家公布,希望朋友們明白同體諒。」

Bob是圈中的好爸爸,不時陪太太及三名女兒外出享天倫。
  • Bob是圈中的好爸爸,不時陪太太及三名女兒外出享天倫。
大女 霏兒、二女 熹兒
  • 大女 霏兒、二女 熹兒
  • 放大圖片

大女投訴「唔控制」

Bob形容得悉太太懷男胎時,自己「開心到噴飯」,反而大女情緒則有點波動:「佢問我點解又有BB?乜我哋唔係可以控制到o架咩?佢好擔心咁多細佬妹,會冇咗父母嘅愛。於是我同佢講,我哋屋企只會愈嚟愈多愛,我哋好愛佢,佢先慢慢平復落嚟,依家OK喇。」

問到太太目前身體狀況,Bob表示:「佢幾好,係攰啲啫,依家喺屋企照顧小朋友同安胎。(再搬大屋?)依家夠住,等BB出世就加多張床仔囉。我要好努力咁搵奶粉錢就真,希望各位老闆畀多啲工作我啦,依家真係要努力搵錢!(係咪收工?)呢個要睇太太,我冇乜所謂。」

文:影視組


鍾意就快D Share啦!