掃呢頁CODE去手機

2017年4月10日 星期一

【獨家】百億人妻熊黛林跟老公屋企人拜山 全程封口冇交流 __,熊黛林,

熊黛林(Lynn)同郭可盈胞弟、家族坐擁百億資產嘅郭可頌喺舊年10月結婚,正式成為「百億人妻」嘅Lynn,結婚冇耐已經頻頻傳出有bb,不過Lynn話有 ...


熊黛林(Lynn)同郭可盈胞弟、家族坐擁百億資產嘅郭可頌喺舊年10月結婚,正式成為「百億人妻」嘅Lynn,結婚冇耐已經頻頻傳出有bb,不過Lynn話有客戶誤會佢有咗,但實情係雖然好想,但係仲未成功。(新聞連結:http://bit.ly/2nQCGEL)正所謂初歸新抱、落地孩兒,家庭有活動,梗係要參與喇,尤其係一啲中國傳統節日,好似農曆新年,清明同埋過冬呢啲大節日,更加唔可以缺席。噚日有讀者Suki透過《蘋果》「爆相爆片」,大約喺下晝2點左右,佢喺沙田新中央廣場,近住廉政公署門口旁邊,見到郭可盈、郭可頌、熊黛林同埋一班親戚企埋一齊,似乎係去拜山。唔知呢個新手人妻係咪唔慣呢啲活動,又或者天氣太熱,讀者Suki話:「熊黛林全程都好避忌,見佢好多時候背對住馬路,耷低頭喺度玩電話,唔係好想俾人見到。反而戴住太陽眼鏡嘅郭可盈喺度指手劃腳,似係研究緊點樣安排啲人行去骨灰龕拜親人。」Suki仲話:「熊黛林唔單止同啲親友冇交流,甚至連老公郭可頌都冇傾偈,等咗一陣,佢就跟大隊向住寶福山方向行。」睇見阿Lynn素顏上陣,著住白tee牛仔褲,身型依然好瘦削,睇嚟造人仲未成功!

新手人妻熊黛林陪老公去拜山,但係點解冇交流?(讀者提供圖片) 讀者話Lynn全程好避忌,成日做影「後」。(讀者提供圖片) 郭可盈喺現場指手劃腳,似乎係安排啲人點樣行上山。(讀者提供圖片)
擾攘一輪之後,Lynn收埋電話跟大隊行。(讀者提供圖片) (讀者提供圖片) Lynn話自己都好想成功造人,不過仲未成功!(熊黛林微博圖片)
(熊黛林微博圖片)

來源 source: http://s.nextmedia.com
鍾意就快D Share啦!