掃呢頁CODE去手機

2017年4月1日 星期六

【原來學老竇】霆鋒孖謝賢拆解揈蕉神技 __,霆鋒,謝賢,謝霆鋒,

果然有其父必有其子呀,原來係學老竇嘅!入得廚房揸起條蕉嘅謝霆鋒,近日就畀網民搵番佢喺《十二道鋒味》嘅爆趣片段,其中一幕就係佢冇啦啦表演揈蕉,睇到網民嘩 ...


果然有其父必有其子呀,原來係學老竇嘅!

入得廚房揸起條蕉嘅謝霆鋒,近日就畀網民搵番佢喺《十二道鋒味》嘅爆趣片段,其中一幕就係佢冇啦啦表演揈蕉,睇到網民嘩嘩聲,食條蕉都要Chok到咁!而霆鋒見到大家反應咁熱烈,佢呢日就喺facebook講解呢「蕉」係點嚟嘅!

謝賢扮西部牛仔

片中嘅佢,喺大風雪下攞住一大揪蕉,一嚟就笑言:「我一定要解釋呢個香蕉係點嚟嘅…即係點剥(蕉皮)呀!」之後就見到戴住黑超嘅謝賢出場,兩父子啲互動勁warm!原來係霆鋒細個嗰時,謝賢為咗氹佢同阿妹謝婷婷笑,將兩隻蕉擺喺盤骨兩旁扮西部牛仔,一揈嘅時候,條蕉皮就會剥到出嚟但隻蕉又唔會跌!

竅門係「咪」個蕉頭

霆鋒仲不斷問老竇記唔記得,不過四哥就話唔記得喇,雖然口裏說不,但Chok到爆嘅四哥都技癢即刻表演,不過條蕉太生,第一次揈咗落地下,之後再揈多幾次就半成功!而霆鋒就透露「揈蕉神技」其實係有竅門,就係要「咪咪」個蕉頭,借一借力先揈到!

匙羹背起椰青肉

唔只咁㗎,愈講愈興奮嘅霆鋒仲爆老竇身懷好多絕技,好似點樣單手剥核桃!最勁嗰招係用匙羹背起椰青肉,最後仲可以用筷子原個椰青肉起出嚟仲冇穿窿,話下次會叫老竇表演畀大家睇咁話!


來源 source: http://hk.on.cc
鍾意就快D Share啦!