掃呢頁CODE去手機

2017年4月4日 星期二

尺度大唔敢登!傅穎寫真遺珠曝光 __,傅穎,

堅係有料到~!近年長駐在內地發展的傅穎近日連接兩部電視劇《武當一劍》及《新龍門客棧》,身在橫店的她說:「因為同時拍緊兩部劇,所以要走嚟走去。」《武》劇 ...


堅係有料到~!

近年長駐在內地發展的傅穎近日連接兩部電視劇《武當一劍》及《新龍門客棧》,身在橫店的她說:「因為同時拍緊兩部劇,所以要走嚟走去。」《武》劇因全部實景拍攝,劇組曾到雪山取景,她說:「拍呢套劇經歷過好凍嘅時候,喺阿爾山係零下負二十幾度,又試過喺北京郊區風沙有七級咁大拍攝,現場大家每講一句對白,擘大眼都會入晒沙,所以拍呢部劇係比較攰。」

被對手笑似有6個月

在《武》劇中她與內地演員威力斯飾演一對,傅穎說:「佢喺跳舞界好犀利,攞過好多獎,佢好大力,戲裏面佢有好多抱起我嘅鏡頭,暫時為止可以講係唯一一個男演員抱起我,完全唔會話我重,有場戲喺長城拍,係一條好斜嘅路,佢由山頂孭到我落山腳,因為好鬼凍我啲衫超級無敵多,仲講我有5、6個月身孕,後期個肚仲愈嚟愈大,但佢從來冇覺得攰。」

與男友感情穩定

傅穎表示她在兩齣劇中不約而同都有個好愛她的老公及大肚有BB,在《新》劇中她飾演「王妃」,陳曉東做她老公「賢王」。現實生活中已有蒙古男友的她可想過生BB?她說:「暫時未有生BB計劃,我估過多兩、三年再諗呢個問題,依家唔係好急住想生BB,我諗點都好將來結咗婚之後先生。」她坦言與男友各有各忙,但兩人拍拖有一段時間,感情都穩定。

晒「遺珠」性感照

此外,傅穎在微信社交網張貼了一張開胸性感照,原來這張照片是去年出寫真集的「遺珠」,她說:「呢張相冇擺落去寫真度,其實本身冇特別嘢睇,可能角度問題顯得性感一啲,但驚個尺度太大,如果買書係年紀細嘅朋友唔係咁好,所以最終冇放落去。」她笑言在感覺安全情況下穿着影相,她覺得還可以,但平日就不會有這種機會穿出來,她笑說:「因為唔夠膽。」


來源 source: http://hk.on.cc
鍾意就快D Share啦!