過咗咁多年，佢哋仲咁Friend！
資深藝人薛家燕，上個月30日就踏入咗67歲，人緣甚好嘅佢當然有大批朋友同排住隊同佢慶祝生日啦。
今日，家燕姐就喺社交網上載咗一班好友同佢慶生嘅相片，當中有劉丹、劉愷威、馬海倫、林漪娸等人，連無綫高層曾勵珍都有去呀。咦，咪住，呢個組合咁熟口面嘅，睇真啲咪無綫經典長壽處境劇《真情》入面嘅人物？劉丹係「叉燒炳」、劉愷威係「安仔」、馬海倫係「Helen馬小姐」、林漪娸係「小梅」。嘩，真係所有回憶返晒嚟呀，好多網民都話好掛住佢哋，好想睇到佢哋再次合作呀。家燕就發文表示：「今天很開心，雖然我的生日已過了，但真情的一班同事，還抽空和我補做生日，謝謝珍姐、漪娸、馬海倫、丹爺、劉太，最難得的是愷威也在港，大家樂也融融的相聚，談笑風生，回憶往日的事，多愉快的一個晚上，再次謝謝大家。」
來源 source: http://hk.on.cc
|
鍾意就快D Share啦！
|
|
|
