掃呢頁CODE去手機

2017年4月16日 星期日

【升呢做奶奶】阿仔求婚成功 家燕姐講明要大搞:應該唔止過百圍 __,家燕姐,家燕,薛家燕,

【新增圖片】現年67歲嘅薛家燕早年被前夫石保慶拋棄,佢獨力做單親媽咪捱大兩女一子,96年正式辦妥離婚,復出拍劇接騷養家,天無絕人之路,家燕姐感情失意, ...


【新增圖片】

現年67歲嘅薛家燕早年被前夫石保慶拋棄,佢獨力做單親媽咪捱大兩女一子,96年正式辦妥離婚,復出拍劇接騷養家,天無絕人之路,家燕姐感情失意,事業大旺,成功捱大子女,可謂苦盡甘來。家燕姐30歲二仔石耀庭噚晚向拍拖兩年嘅女友Zoe求婚,喺家人見證下,獲女友應承,家燕姐即將升呢奶奶。石耀庭為咗呢次求婚,佢夾埋家姐石祐珊同妹妹石耀珠幫手,呃Zoe去九展睇王梓軒綵排,原來佢先係真正女主角,石耀庭為冧女友又唱歌又跳舞,仲跪地獻花求婚,Zoe驚喜又感動。家燕姐今日接受傳媒訪問,大讚準新抱100分:「佢好乖女,囝囝都30歲,係適婚年齡。」一對準新人完成求婚,下一步就要擇日結婚,準奶奶家燕姐話:「我今年好忙,《流行經典50年》要添食,5月頭開新劇,下月我又去美國做騷,況且訂酒席,婚宴會場同籌備都要時間,可能婚禮一年後搞,我都未有時間約親家佢哋傾。」圈中人緣甚佳嘅家燕姐,佢娶新抱當然要大搞,佢話:「應該唔止過百圍,七位數字走唔甩,我都要同親家約時間傾細節,要揀個好日子。」家燕姐話Zoe家人喺英國,唔排除都要中英兩邊搞婚宴。問到家燕姐係咪會送未來新抱Zoe家傳之寶?佢話:「會呀,我會揀吓。」家燕姐係咪都恨抱孫?佢話:「睇佢兩個,但都差唔多時間,順其自然啦,囝囝噚晚求咗婚,今日就返咗杭州公幹。」

薛家燕囝囝石耀庭呃Zoe去九展話睇王梓軒綵排 原來係「求婚騷」先真
家燕姐喺台下傍實新娘 最後當然係「得米」啦

來源 source: http://s.nextmedia.com
鍾意就快D Share啦!