掃呢頁CODE去手機

2017年4月2日 星期日

【最新】卓林今早返港即入院 吳綺莉:我唔知點答,佢依家係喺醫院 __,卓林,吳綺莉,吳卓林,

吳綺莉囡囡卓林前日喺facebook稱要離開香港,其後吳綺莉開記者會三度落淚,隔空搵卓林:「我想你返屋企咋!」(新聞連結:http://bit.ly/ ...


吳綺莉囡囡卓林前日喺facebook稱要離開香港,其後吳綺莉開記者會三度落淚,隔空搵卓林:「我想你返屋企咋!」(新聞連結:http://bit.ly/2nBN0SK),翌日卓林出發去泰國,原來卓林今早已由泰國乘飛機返港。今日有讀者爆料指吳綺莉喺醫院現身,《蘋果》致電吳綺莉,佢講:「唔好意思,我o依家唔方便講嘢!」立刻cut線!《蘋果》記者中午抵醫院發現吳綺莉座駕,《蘋果》再搵吳綺莉,問佢卓林係咪入咗醫院,佢係咁嘆氣,唉咗3聲:「唉……唉……唉,我唔知點答,佢o依家係喺醫院,唔舒服。」問佢係咪喺醫院陪卓林,佢話:「唔係,我o依家要返屋企沖個涼,你唔好再問我唔好意思呀!我冇嘢講。」再問佢對向太所講嘅嘢回應,佢話:「向太嘅嘢我唔知點答呀!」吳綺莉日前涉嫌「刑事恐嚇」被捕,有消息指報案人係女兒卓林,事後吳綺莉單方面話女兒有啲古怪行為(新聞連結:http://bit.ly/2oe1vPw),卓林離家出走,噚日卓林出發去泰國散心,怎料晚上向太陳嵐喺金鐘港麗酒店出席拍賣會提及卓林,問到向太覺得成龍作為爹哋係咪應該要負責任?向太力撐成龍有情有義,私底下為呢件事喊咗好多次(新聞連結:http://bit.ly/2mZfoRB),又指指成龍曾遭巨額勒索(新聞連結:http://bit.ly/2onwvg9)

(攝影:陳慧安、羅慧敏、 吳耀輝) 吳綺莉今日現身醫院。 吳綺莉認小龍女現時喺醫院。
指向太噚晚所講嘅嘢,唔知點答。 今日有大批傳媒採訪。
吳綺莉之後返回大坑寓所沖涼。

來源 source: http://s.nextmedia.com
鍾意就快D Share啦!