掃呢頁CODE去手機

2017年4月25日 星期二

提早出院團聚爆朱玲玲最開心 啟剛晶晶添大隻8磅B女 __,朱玲玲,

提早出院團聚 爆朱玲玲最開心啟剛晶晶添大隻8磅B女娛樂要聞中國前跳水皇后郭晶晶,13年為霍啟剛誕下囝囝霍中曦後,日前再順利誕下8磅巨B女。昨日啟剛到醫 ...


提早出院團聚 爆朱玲玲最開心

啟剛晶晶添大隻8磅B女

娛樂要聞

中國前跳水皇后郭晶晶,13年為霍啟剛誕下囝囝霍中曦後,日前再順利誕下8磅巨B女。昨日啟剛到醫院接郭晶晶和囡囡出院,之後在微博大晒大仔錫妹妹面珠的溫馨照。啟剛昨日指最開心是媽咪朱玲玲:「今次多咗呢個孫女,幫佢圓咗夢想。」霍震霆亦開心說:「BB女都幾大隻,佢哥哥好錫佢。」



13年啟剛一索得男,日前晶晶為他再誕下囡囡,湊成一個「好」字。

資料圖片

繼吳若希前日誕下囡囡後,現年35歲的中國前跳水皇后郭晶晶,日前為37歲的老公霍啟剛再添一名8磅巨B女,可喜可賀。郭晶晶於12年與霍英東的長孫霍啟剛結婚後努力造人,於13年誕下長子中曦後,日前再順利誕下囡囡,一子一女剛好湊成一個好字。



啟剛笑言大仔非常期待妹妹出世。資料圖片



晶晶與啟剛生活低調,夫妻不時帶囝囝行超市享家庭樂。資料圖片



啟剛與晶晶再做父母,B女出世後,大仔霍中曦即錫妹妹面珠。微博圖片

哥哥錫妹妹

郭晶晶今次再選擇在養和醫院分娩,有傳媒昨午1時許拍得啟剛到養和接老婆和B女出院,夫婦二人均戴口罩,在司機駕駛的座駕到達後,啟剛率先步出登車,繼而郭晶晶一手挽住囡囡的BB車箭步尾隨,見剪了短髮的郭晶晶穿上桃紅色外套襯黑褲白波鞋,身形明顯脹了少許。現場有記者恭喜郭晶晶,但她未有回應。

大概一小時後,啟剛在微博報喜,他貼上一張長子中曦錫妹妹面珠的溫馨照片,並留言:「我們家庭增添了一名新成員、我們感到非常幸運和感恩!萬分感謝醫院各位醫生、護士們和所有同事對我們寶寶細心照顧、讓寶寶可以順順利利來到這個世界!現在母女都平安、回家休息了!你看哥哥多乖、一點嫉妒都沒有、很疼愛小妹妹!很溫馨。」啟剛之後以短訊回覆本報記者:「今次BB出世非常順利,媽媽恢復都好好,醫生都話可以提前一日出院,大家都非常高興同興奮。囡囡近8磅重,成家都好開心,尤其我媽媽(朱玲玲),因為佢生咗我哋3個仔,今次佢多咗呢個孫女,幫佢圓咗夢想。」



朱玲玲一直恨女,如今大仔啟剛為她圓夢。

資料圖片



已探過孫女的霍震霆,直言全家都好開心。

資料圖片



王愛倫昨晚戥好友朱玲玲再做嫲嫲開心。

攝影:陳俊強

似爸又似媽

至於身在內地開會的霍震霆,被問到第二度抱孫時開心地說:「之前已經探咗BB,多謝晒大家關心,BB女都幾大隻,我哋整家人好開心,𠵱家多咗個孫女,佢哥哥(中曦)好錫佢。」問到BB是否似媽咪?霍震霆說:「差唔多,幾得意,兩個都似。」

雖然郭晶晶第二度做媽咪,但霍家上下依然嚴陣以待,有指霍家特地聘請5人陪月團,今次郭晶晶跟第一胎時一樣採取自然分娩。早前啟剛受訪時表示第二次做爹哋沒有第一次般緊張,又指最開心其實是大仔,每日也期待做哥哥,而囡囡將會由爺爺霍震霆改中文名。而有指郭晶晶有意效法奶奶朱玲玲生3個才收工。

此外,王愛倫昨晚在圓方出席伯爵展覽,提到好友朱玲玲再做嫲嫲:「好開心,恭喜,一仔一女湊個『好』字,希望我將來都係咁」她笑言會等朱玲玲通知約見面慶祝。

採訪:唐如、羅慧敏


鍾意就快D Share啦!