掃呢頁CODE去手機

2017年4月28日 星期五

【獨家】溫哥華直擊 33歲素顏鍾嘉欣 緊張湊女超暖心 __,嘉欣,李嘉欣,鍾嘉欣,

啱啱過咗33歲生日嘅鍾嘉欣,舊年8月誕下囡囡Kelly,夫唱婦隨留喺加拿大同脊骨醫生老公JeremyLeung一齊生活。新手媽咪享受湊女樂之餘,間中又 ...


啱啱過咗33歲生日嘅鍾嘉欣,舊年8月誕下囡囡Kelly,夫唱婦隨留喺加拿大同脊骨醫生老公Jeremy Leung一齊生活。新手媽咪享受湊女樂之餘,間中又會返嚟香港現身活動搵奶粉錢。至於囡囡Kelly由啱啱出世,個樣似足爹哋,到o依家8個月大,五官終於似多咗媽咪,肥嘟嘟眼仔碌碌勁精靈可愛。(新聞連結:http://bit.ly/2nt8O11)月前嘉欣又返嚟香港出席活動,嘉欣曾經講過就算返港搵錢,超過10日都會帶囡囡同行。早排佢就帶咗萌B寶貝女Kelly返港見吓Auntie、Uncle。賺完奶粉錢,兩母女話咁快又返咗加拿大。日前(22日)有讀者高先生透過《蘋果》「爆相爆片」,見到鍾嘉欣帶住囡囡同幾名親友,喺溫哥華一間上海餐館食午飯。食完晏後,素顏戴住眼鏡嘅嘉欣步出餐館,跟手抱囡囡坐喺紅色BB車上。雖然4月尾已屬春天季節,不過溫哥華天氣依然寒冷,只見着住白色羽絨嘅鍾嘉欣,不時踎低摸吓囡囡隻手仔凍唔凍,見風起,又即刻拉低BB車車冚,緊張得嚟又盡顯母愛。讀者高先生指當日同行親友中,唔見鍾嘉欣嘅老公Jeremy,眾人等埋一齊,就過對面馬路停車場上車離去。新手媽媽鍾嘉欣,曾經喺訪問中,話等到囡囡歲半嗰陣,就會計劃追多個,事關第一次做人母嘅感覺非常良好,嘉欣話:「Kelly係超級、超級乖,唔扭計、唔喊,除咗夜晚瞓前喊3、4分鐘,跟住自己就瞓,瞓8個、10個鐘就起身,擺佢喺play mat,畀啲公仔佢,佢就會自己玩餐飽…。」囡囡咁錫媽咪,唔使父母操心,難怪嘉欣心思思想趁後生追多個。難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App

App store下載:https://goo.gl/0kW2cK

Google Play下載:https://goo.gl/4K7EHw

(圖片由讀者提供) 鍾嘉欣日前俾讀者影到喺溫哥華一間上海餐館食飯。(圖片由讀者提供) 當然帶埋囡囡Kelly一齊去啦。(圖片由讀者提供)
由於溫哥華氣溫依舊寒冷,嘉欣自己着羽絨之餘,亦不時摸吓囡囡手仔凍唔凍。(圖片由讀者提供) 嘉欣之前就po咗帶囡囡去shopping嘅相。(鍾嘉欣Ig圖片) Kelly水汪汪大眼睛融化唔少Auntie。(鍾嘉欣Ig圖片)
孖辮look都好得意。(鍾嘉欣Ig圖片) 嘉欣早排帶囡囡返港探老友曹敏莉,Kelly個樣同媽咪成個餅印一樣。(曹敏莉微博圖片) 眼仔碌碌好可愛。(曹敏莉微博圖片)
(鍾嘉欣微博圖片) Kelly兩、三個月嗰陣,就似爹哋多啲。(鍾嘉欣微博圖片) (鍾嘉欣微博圖片)
嘉欣同老公Jeremy。(資料圖片)

來源 source: http://s.nextmedia.com
鍾意就快D Share啦!