掃呢頁CODE去手機

2017年3月31日 星期五

轟社署當卓林人球 吳綺莉控訴成龍「佢話一毫子都唔會幫」 __,卓林,吳綺莉,吳卓林,成龍,

轟社署當卓林人球吳綺莉控訴成龍「佢話一毫子都唔會幫」娛樂要聞現年44歲的單親媽媽吳綺莉日前被捕,涉刑事恐嚇女兒卓林,母女情面臨決裂!昨晚吳綺莉召開記者 ...


轟社署當卓林人球

吳綺莉控訴成龍「佢話一毫子都唔會幫」

娛樂要聞

現年44歲的單親媽媽吳綺莉日前被捕,涉刑事恐嚇女兒卓林,母女情面臨決裂!昨晚吳綺莉召開記者會,踢爆曾向社署求助,但卓林卻被當人球!吳綺莉由女兒出生至今,冇攞過女兒生父成龍一毫子,兩年前她山窮水盡,曾託人向成龍求助,卻獲狠絕回覆:「佢話一毫子都唔會幫!」



吳綺莉曾因經濟問題找中間人求助成龍,豈料對方表示:「一毫子都唔會幫!」

於17年前,吳綺莉(Elaine)為有婦之夫成龍誕下女兒卓林,當時成龍表示「犯咗全天下男人都會犯嘅錯」,卓林由吳綺莉一手湊大,然而近年兩母女關係反覆。日前吳綺莉涉刑事恐嚇女兒被捕,前日有周刊報道指卓林同父異母的兄長房祖名,曾出手幫吳綺莉母女一炮過付1,500萬買入大坑單位供她們居住云云。



吳綺莉(中)昨晚在翁靜晶及梁耀忠陪同下開記者會,提到女兒卓林時眼淚直流。



成龍昨日卻在內地開心請一隊女子足球員食飯。微博圖片

翁靜晶插冇腰骨

昨晚約7時,吳綺莉在葵芳的梁耀忠議員辦事處召開記者會,先由好友翁靜晶和梁耀忠發言,指兩三年前吳綺莉因女兒問題曾向社署求助,但沒獲認真處理,卓林被當人球!翁靜晶強調很擔心好友:「個女非常唔開心,冇辦法搵源頭,估計成長心結,媽媽都好唔開心,佢好脆弱,唔想聽日睇報紙Elaine唔喺度!」

面色蒼白的吳綺莉說:「我屋企係發生咗啲事,我諗每個媽媽會擔心自己細路,希望大家唔好有無謂揣測。」翁靜晶代友講出始末,怒插成龍:「Elaine由卓林出世後,由頭到尾冇攞成龍一毫子,自從佢俾電台解僱冇任何工作,卓林學費要一萬七千幾,當時山窮水盡,搵中間人協助,搵成龍睇吓可唔可以有任何幫助,得到係話一毫子都唔會幫你!」最後由佛教團體搵吳綺莉繪畫冊,才解決經濟問題,翁靜晶狠批成龍:「一個冇腰骨嘅人,冇能力照顧自己仔女。」



吳綺莉去年直認沒有後悔與成龍的一段情,不過現要承擔後果。資料圖片



上周吳綺莉涉嫌刑事恐嚇而被捕。資料圖片

爆喊盼女兒返家

提到女兒,吳綺莉激動眼紅紅:「我冇乜屋企人,只有我個女!如果我冧,冇人幫到我個女,我只想個女平安。」翁靜晶戥好友不值:「Elaine唔想傷害某一個家庭,佢一直好克制。」問到是否覺得成龍好絕情?她說:「冇話啱同唔啱,一隻杯敲唔響,過咗去。」

問到想跟卓林說甚麼?吳綺莉死忍眼淚,翁靜晶安慰:「頂唔順就喊,唔好死頂!你頂咗好耐。」吳即爆喊說:「我只係想佢返屋企,同所有阿媽一樣,有乜嘢都返屋企!」採訪:王連連

攝影:陳慧安


鍾意就快D Share啦!