掃呢頁CODE去手機

2017年3月29日 星期三

【成龍變臉】小龍女告吳綺莉刑恐 成龍笑晒推咪:今日乜嘢事呀? __,小龍女,吳綺莉,成龍,吳卓林,

成龍喺舊年十一月獲奧斯卡頒發終身成就獎,成為首位拎到呢個榮譽嘅華人,好友楊受成今晚喺灣仔君悅酒店設慶祝宴,唔少圈中好友出席,好似包括張學友、劉嘉玲、黃 ...


成龍喺舊年十一月獲奧斯卡頒發終身成就獎,成為首位拎到呢個榮譽嘅華人,好友楊受成今晚喺灣仔君悅酒店設慶祝宴,唔少圈中好友出席,好似包括張學友、劉嘉玲、黃秋生、元彪、張婉婷、俞琤、施南生、許鞍華、陳木勝、岑建勳、曾志偉、余安安、劉天蘭等等。成龍大約喺傍晚六點左右現身接受傳媒訪問,心情靚爆嘅成龍話唔知開咗幾多席:「由提名到攞獎都得到好多褒獎同恭喜,本來都唔想搞,想低調,唔想俾人話炫耀,但係楊生話一定要搞,最後曾志偉、岑建勳、爾冬陞做咗召集人,今晚搵咗幾十年同我合作嘅朋友,好多朋友今年見完下年就唔見咗,所以今次見老友為實。」不過喺啲賓客裡面,似乎唔多見老婆林鳳嬌同房祖名嘅踪影,成龍笑晒咁話:「佢哋冇嚟,佢哋日日見住呢個奧斯卡(得獎者)都睇到悶」但一講到小龍女卓林報警告媽咪吳綺莉涉刑事恐嚇(新聞連結:http://bit.ly/2nrCLlM),成龍即刻詐傻扮聽唔到話:「吓,今日乜嘢事呀,仲有冇啲乜嘢呀!」然後再笑笑口話:「多謝!」再推開面前的咪牌,極速閃回宴會廳!

攝影:沈健程 成龍招牌動作 招牌表情
最初講祖名仲話未收到佢嘅恭喜電話! 一講到小龍女卓林報警告媽咪吳綺莉涉刑事恐嚇,成龍就扮聽唔到。
自問自答今日乜嘢事? 左擰右擰扮仲有冇嘢問! 聽到卓林個名即刻話多謝!
嗱嗱聲推開啲咪話唔該晒。 極速閃回宴會廳

來源 source: http://s.nextmedia.com
鍾意就快D Share啦!