掃呢頁CODE去手機

2017年2月22日 星期三

黑絲勁正!簡淑兒為咗唱K 出招呃媽咪 __,簡淑兒,

簡淑兒做學生妹好正。近日無綫劇集《迷》熱播緊成為熱話,唔少人都大讚好睇,「宅男女神」簡淑兒(Jessica)喺劇入面做田蕊妮個女,兩母女感情唔錯,但近期就為咗去英國讀書呢件事而鬧大交!近日《myTVSUPER》Facebook專頁為就同Jessica拍咗個番外篇,Jessica教大家點樣呃媽媽去玩!講大話當食生菜講做中學生嘅Jessica,有朋友約佢去唱K,原本已經答咗朋友嘅佢,點知中途有個同學「 ...


簡淑兒做學生妹好正。

近日無綫劇集《迷》熱播緊成為熱話,唔少人都大讚好睇,「宅男女神」簡淑兒(Jessica)喺劇入面做田蕊妮個女,兩母女感情唔錯,但近期就為咗去英國讀書呢件事而鬧大交!近日《myTV SUPER》Facebook專頁為就同Jessica拍咗個番外篇,Jessica教大家點樣呃媽媽去玩!

講大話當食生菜

講做中學生嘅Jessica,有朋友約佢去唱K,原本已經答咗朋友嘅佢,點知中途有個同學「攔途截劫」佢,話Jessica明明約咗佢參加壁報比賽留低幫手,點知簡淑兒一聽到咁竟講大話,話要做義工扶公公婆婆過馬路,結果成功過關!

成功可以去唱K,梗係化番個妝先Jessica化番少少妝,仲着番條宅男最愛嘅黑絲,之後着返件長外套遮校章,咁就搞掂可以同同學去玩,令唔少網友都話佢無論係學生Look定化咗少少妝,都一樣咁正!

唱《皆大歡喜》

去到K房,當然係唱番家燕姐首《皆大歡喜》點知唱唱下中途,田蕊妮竟然打畀佢,呢個時候Jessica見到阿媽打嚟梗係驚驚豬啦,不過佢仍然好鎮定咁叫朋友拎晒道具同阿媽玩視像,扮瞓教嘅佢仲講大話話喺同學屋企溫書溫到太攰,所以瞓着咗兼即刻拿拿臨收線,呢招真係高招呀!唔少網友都話呢個講大話呃阿媽唱K真係幾work,下次都可以跟佢呢個方法試試佢!仲有唔少網友大讚佢學生Look好正好可愛,扮學生完全冇難度!

網民有話兒:

Kit Txxg:真的超級靚女女神我愛你

Lee ZhxxgYxxn:女神

Kelxxn Lxe:超可愛學生妹

Yxxxck Koixxmi:真係好似學生..不過加太外套似護士.

Alxxn Wu:超級騙徒XD


來源 source: http://hk.on.cc
鍾意就快D Share啦!