掃呢頁CODE去手機

2017年1月5日 星期四

挑機方力申 楊受成細仔搞星級飯 P 暗撬何超蓮 [壹週刊 - 1400] __,何超,方力申,楊受成,何超蓮,超蓮,何超儀,M1,

投其所好的楊政龍早前約齊英皇旗下的蔡卓妍、張敬軒等陪超蓮開餐。娛頭挑機方力申 楊受成細仔搞星級飯P 暗撬何超蓮跟台灣歌手吳克羣結束4年情後,賭王三房千金何超蓮身邊裙下臣氹氹轉,有內地富二代劉根森及霍震霆二公子霍啟山力追外,亦先後被本刊發現同柯震東、方力申有約,緋聞男友,遍布中港台。強手當前,要脫穎而出,同超蓮識於兒時的楊受成細仔楊政龍,佔盡優勢,加上明知女神是Twins粉絲,陪睇演唱會不在話下,早 ...


投其所好的楊政龍早前約齊英皇旗下的蔡卓妍、張敬軒等陪超蓮開餐。

娛頭

挑機方力申 楊受成細仔搞星級飯 P 暗撬何超蓮

跟台灣歌手吳克羣結束 4年情後,賭王三房千金何超蓮身邊裙下臣氹氹轉,有內地富二代劉根森及霍震霆二公子霍啟山力追外,亦先後被本刊發現同柯震東、方力申有約,緋聞男友,遍布中港台。

強手當前,要脫穎而出,同超蓮識於兒時的楊受成細仔楊政龍,佔盡優勢,加上明知女神是 Twins粉絲,陪睇演唱會不在話下,早前又出招,約埋英皇旗下的蔡卓妍、張敬軒等,齊齊陪超蓮開餐,搞飯 P為聖誕元旦熱身。

飯局中,投其所好的楊政龍,對超蓮全程照顧有加,而陪食陪玩的軒仔,飲大兩杯, high到大講三級笑話。楊政龍出動一枱人幫拖撬超蓮,方力申單打獨鬥,好牙煙!

寸步不離

作為何家千金,何超蓮的追求者,全部有頭有面,不過,一直強調單身的超蓮只有廿五歲,大把貨可以慢慢收兵,慢慢揀!

你追我逐賭王女,當中與超蓮細細個就識的楊受成細仔楊政龍,同是富二代近水樓台,多年來樂做「觀音兵」,超蓮與吳克羣甩拖後,多女的楊政龍把握時機,經常約食飯開解,又花盡心思送禮物,攝住攝住,霸定位!

為投其所好,去年楊政龍陪超蓮坐第一行睇 Twins演唱會,早前又搞飯 P,約埋阿 Sa蔡卓妍、張敬軒、吳千語等圈中好友,在淺水灣開餐預祝聖誕元旦,為超蓮安排一個星級飯局。

當晚阿 Sa、張敬軒、吳千語和馬天佑等人一早已經到餐廳,楊政龍則全套服務,親自接送女神超蓮。

席間,楊政龍雙眼幾乎未有離開過超蓮,夾餸、哄埋、互望冧笑,其間各人調位幾次,但楊政龍依然寸步不離, mark到實,無論點換,他一定坐在超蓮左右。有幾嗒糖,唔使多講!

黐住調位

趷起哄埋

楊政龍不時借意挨近,超蓮下意識縮後。

超蓮同楊政龍頭貼頭睇餐牌,旁若無人。

超蓮同楊政龍左右夾攻阻止張敬軒埋單,最後由楊政龍做老細。

離開餐廳前,楊政龍向超蓮打眼色示意送她返屋企。

超蓮是 Twins的超級粉絲,偶像開演唱會她專程捧場,陪睇的楊政龍更做足功課,預先通知台上阿 Sa阿嬌埋位合照。

同是富二代的楊政龍,經常搞星級 gathering製造機會同超蓮「聯誼」。

軒仔 high爆照男乳

自己友飯 P,眾人大杯大杯酒灌落肚,超蓮、阿 Sa飲到面紅紅,飲大兩杯的張敬軒,更加 high爆,主動打開三級話題,指手畫腳,繪形繪聲,令全枱人爆笑拍枱。

見大家有反應,張敬軒更加亢奮,即席同大家研究男性乳頭,甚至引到楊政龍同其他男友人不自禁在超蓮、阿 Sa面前揦起衫自我檢查。既然如此,軒仔亦唔客氣,再進一步,開埋電話照明燈,對準男友人乳頭,仔細研究。

自己友飯局,張敬軒自 high喪隊酒。

張敬軒大講三級話題,超蓮興奮到嗌男友人除衫。

同楊政龍在眾女面前自我檢查乳頭。

化身性博士的張敬軒講解人體奧妙,講到手舞足蹈。

飲大兩杯,張敬軒 high到用手機照明燈照男友人乳頭。

楊秀惠送外賣

搞星級飯 P氹超蓮,身為過百億英皇集團繼承者的廿九歲楊受成嘅細仔楊政龍,一向多女埋身。大台小花楊秀惠就試過趁開工拍劇空檔,山長水遠走去楊政龍淺水灣屋企「出外賣」,另外,曾經同王宗堯拍拖的 Christy(黎紀君),亦因為對舊愛楊政龍未忘情,二人去年初第三度復合。

要過賭王一關

不過,送埋身唔馨香,楊政龍一直為追求超蓮而暗地發招。

「 Alex(楊政龍)咁多年來對超蓮都細心過對自己女朋友,佢哋細細個就識,好多 common friend,我哋見過超蓮點佢做嘢, Alex都一定笑晒口唔 say no。有次大家喺超蓮面前提起 Christy,佢即刻打晒眼色,叫我哋唔好再講。

「 Alex對超蓮有意,不過,身邊真係好多對手,發球權亦喺超蓮手上,就算大家都係富二代,其實都冇乜着數。」知情者說。

除此以外,超蓮老豆何鴻燊亦是主要難關。當年賭王曾公開狠批與何超瓊拍拖的楊其龍質地唔好,所以同父異母的楊政龍亦未必過到骨。

本週一(一月二日),超蓮同女友人去嘉年華狂歡,記者上前問她何以唔預小方,超蓮即耍手擰頭呻怕怕。

現年 29歲的楊政龍,被老豆楊受成欽點做集團接班人。

裙下之臣

去年與吳克羣傳出「分訊」後,何超蓮即惹來不少飛來蜢,個個唔係靚仔就係有頭有面富二代,何家千金招牌,冇得頂!

劉根森

傳內地百億富商、香江集團主席劉志強之子劉根森主動出擊力追,二人暢玩中環嘉年華,其間男方體貼護花,表現親暱。

霍啟山

霍英東長房霍震霆次子霍啟山一直 like爆超蓮,多次被拍到撐枱腳;二人曾孖住到廣州「傾生意」,其後再被拍到於半島酒店燭光晚餐,其間細聲講大聲笑,關係曖昧。

向佐

去年三月,中國星老闆向華強兒子向佐與超蓮現身啟德嘉年華斷正,向佐尷尬解釋只是巧合撞到超蓮。

方力申

飛魚王子方力申與 Stephy甩拖後,力追賭王千金何超蓮,二人孖住到尼泊爾做慈善探訪,一支水兩份飲,小方更為女方按摩;有指他為與女方拉近距離,參加權貴二代菁英會活動,融入超蓮生活圈子。

鑽石筍盤

未到三張的楊政龍,父親是坐擁 150億英皇集團老闆楊受成,甚至被父親欽點做接班人,有財有勢,大把女埋身,被視為釣金龜的最佳筍男。

黎紀君 Christy

早前與前度黎紀君( Christy)被拍到在街頭肉緊狂嘴, Christy同王宗堯拍拖前,已經同過楊政龍一齊,二人經歷三年三離三合, Christy對楊政龍一直未死心。

楊秀惠

15年,楊秀惠被爆背住富貴男友葉樹培,跟楊政龍發展姊弟戀,更主動出擊,人肉速遞到男方位於淺水灣豪宅過二人世界。

姜麗文

14年,被鄭俊弘狠撇的姜麗文,生擒富二代楊政龍,二人相約西貢滑水,姜麗文大騷 34D魔鬼身材,其後更坐埋一邊談心,態度親暱。

倪晨曦

12年,與 IG女神倪晨曦傳出緋聞,二人多次被爆同遊外地,女方更不時孖住楊政龍遊艇河。

撰文、攝影、攝錄:娛樂組


鍾意就快D Share啦!