掃呢頁CODE去手機

2017年1月12日 星期四

內衣太子射住行 Hermes 公屋姐仔沈卓盈脫貧 [壹週刊 - 1401] __,內衣,Hermes,沈卓盈,底衫褲,M1,

有個有米男友真好,沈卓盈可以行名店掃貨。探熱針內衣太子射住行Hermes 公屋姐仔沈卓盈脫貧32歲大台姐仔沈卓盈(沈大師),一向目標明確:釣金龜!嫁個有錢人!曾經同金融闊少RayMak拍拖的她,以為可以好似閨密徐淑敏一樣成為闊太,點知男友脾氣暴躁,沈大師頂唔順,寧願分手由禮頓山搬返去青衣公屋,自斷米路。不過話咁快,沈大師已經有新目標,新歡CalvinTo是富二代,家族經營內衣褲出口生意,對女友更加 ...


有個有米男友真好,沈卓盈可以行名店掃貨。

探熱針

內衣太子射住行 Hermes 公屋姐仔沈卓盈脫貧

32歲大台姐仔沈卓盈(沈大師),一向目標明確:釣金龜!嫁個有錢人!

曾經同金融闊少 Ray Mak拍拖的她,以為可以好似閨密徐淑敏一樣成為闊太,點知男友脾氣暴躁,沈大師頂唔順,寧願分手由禮頓山搬返去青衣公屋,自斷米路。

不過話咁快,沈大師已經有新目標,新歡 Calvin To是富二代,家族經營內衣褲出口生意,對女友更加出手闊綽。日前, Calvin就帶住沈卓盈出巡 Hermes,拍拖 shopping。

專吼有錢仔

大台芸芸姐仔中,沈卓盈的確有料到!有樣貌有身材外,手上男友,個個非富則貴。今次被沈大師睇中的 Calvin To,來頭亦唔小,年約三十出頭的他,屋企是經營內衣褲出入口生意,家住京士柏山獨立屋,是典型的富二代。

據知, Calvin出手相當闊綽,為了方便沈卓盈出入,不用再同家人逼住公屋,拍拖無耐,他已在紅磡租了一個單位,與女友一齊同居。

日前,本刊又發現他孖住沈卓盈現身太古廣場 shopping,一向「高要求」的她,第一時間踩入 Hermes, Calvin全程侍候在側,一副等俾錢姿態;揀絲巾期間,沈卓盈不時詢問男友意見,十分識做。

警覺性高的沈卓盈,一見有記者影相,即刻彈開。

兩人分頭離開,不過就講住電話,保持聯繫撇記者。

早前 Calvin帶沈卓盈去半島開餐兼慶祝生日,不過兩人離開時刻意分開。

低調護新歡

直至發現有記者,沈卓盈立即一個閃身,行入鋪內隱蔽位置,並安排 Calvin先行離開;以電話遙控男友的她,匿埋在鋪頭內接近半小時,離開時更戴番副黑超,又一直和男友講住電話。

有富貴男友射住,成功脫貧的沈卓盈不時在社交網站晒幸福:收九十九枝玫瑰花、坐豪華遊艇出海、去半島酒店 high tea食飯,開心 share闊太生活。

沈大師樣靚身材正,要釣金龜毫無難度。

過住闊太生活的沈卓盈,除了要開工拍劇外,其餘時間就係去酒店 high tea,又或者出海晒身材。

好姊妹徐淑敏嫁得好做闊太,沈卓盈一直視她為目標。

原本同金融才俊 Ray Mak拍拖,諗住可以嫁個有錢人,點知對方脾氣暴躁。

撰文、攝影、攝錄:娛樂組


鍾意就快D Share啦!