2017年1月3日 星期二

英超Fever:英超 球證幫到手!曼聯2球輕取韋斯咸 __,曼聯,

球證米奇甸恩今場幾次判決都惹爭議!(GettyImages)即上英超刨績王:http://win.on.cc/epl 英超曼聯又贏一場!英超聖誕新年快車嚟到尾輪,「紅魔鬼」延續近期氣勢,今晨作客韋斯咸淨勝2球,喺英超累積6連勝,連歐霸盃更係7連勝,算係近季以來罕有嘅強勁勝勢。「紅魔鬼」今場表面睇贏得輕鬆,但球證米奇甸恩先後有幾次判決都對曼聯略為有利,莫非自費Sir退休後嘅「4424」又再現球場?主 ...




其他影片:>>






球證米奇甸恩今場幾次判決都惹爭議!(Getty Images)

即上英超刨績王:http://win.on.cc/epl 

英超曼聯又贏一場!英超聖誕新年快車嚟到尾輪,「紅魔鬼」延續近期氣勢,今晨作客韋斯咸淨勝2球,喺英超累積6連勝,連歐霸盃更係7連勝,算係近季以來罕有嘅強勁勝勢。「紅魔鬼」今場表面睇贏得輕鬆,但球證米奇甸恩先後有幾次判決都對曼聯略為有利,莫非自費Sir退休後嘅「4424」又再現球場?

主場的韋斯咸今戰開賽初段形勢未算太差,但戰至14分鐘,卻有菲侯利一次較硬淨犯規,爭議性地被球證直紅趕離場。打多一人的曼聯之後控制形勢,其中在35分鐘有入球黃金機會,處於越位位置的路爾斯華倫西亞近門撞射,被韋斯咸門將戴倫蘭杜夫救出,後上補中的連格離門3碼射中柱,錯失了先拔頭籌機會。完半場前,主隊有中場蘭仙尼禁區邊射死角僅被曼聯門將迪基亞救出,半場雙方互無紀錄。

換邊後繼續係曼聯控制戰局,主帥莫連奴仲先後換入拉舒福特同桑馬達,果然「福仔」喺63分鐘左路底線傳中,後上殺入禁區嘅桑馬達撞射得手,助客隊領先。78分鐘,「紅魔鬼」中場安達靴里拉成功將韋斯咸守將禁區邊嘅解圍閂番轉頭,馬上益晒處身禁區嘅伊巴謙莫域冷靜射入,將紀錄改寫成2比0。不過呢球波接應嘅伊巴謙莫域明顯處於越位位置,但旁證有如發夢睇唔到,「紅魔鬼」亦因為呢個入波,鎖定2比0勝局到完場,袋晒3分後繼續處於第6位,並追到只落後「一哥」車路士10分,雖然打多場,但總算畀到對手壓力。

東網體育同你追實體壇每個精彩時刻! 

http://bit.ly/2ecTF2A


來源 source: http://hk.on.cc
鍾意就快D Share啦!
Related Posts Plugin for WordPress, Blogger...