掃呢頁CODE去手機

2017年1月5日 星期四

同陳凱琳幾時結婚?嘉穎:意外就好難講 __,凱琳,鄭嘉穎,嘉穎,陳凱琳,

唔通有好消息?!藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時,問到他有份參演的5D音樂劇《風雲》是否已開始排練?他說:「每個都單獨綵排緊自己嘅部分,未合體,三月先,好似積木咁啫,我哋自己排晒,三月份就夾埋一齊總綵排,都仲有一個月時間。」又笑謂自己不像同劇的謝天華是「舞王」,自己跳舞是弱項,所以要加緊排練:「或者可以問天華少少,佢記舞真係好快,有幾隻舞,音樂劇冇理由企喺度, ...




其他影片:>>






唔通有好消息?!

藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時,問到他有份參演的5D音樂劇《風雲》是否已開始排練?他說:「每個都單獨綵排緊自己嘅部分,未合體,三月先,好似積木咁啫,我哋自己排晒,三月份就夾埋一齊總綵排,都仲有一個月時間。」又笑謂自己不像同劇的謝天華是「舞王」,自己跳舞是弱項,所以要加緊排練:「或者可以問天華少少,佢記舞真係好快,有幾隻舞,音樂劇冇理由企喺度,有啲就武打,希望到時畀到5D嘅感覺畀大家。(點5D?有汗味?)汗味就難少少,有火有水。」

讚女友整Cake有一手

問到綵排時可有受傷?嘉穎指暫時未有:「依家排舞啫,多啲時間排舞先。(會出sound track?)要問陳太(陳淑芬),我哋負責錄音嘅啫,依家錄緊歌,我有8首,大部分係合唱嘅。」問到女友陳凱琳屆時可會捧場?嘉穎說:「梗係會我阿媽又會嚟。(女友嚟幾多場?)睇佢使唔使開工先啦,要開劇嘅嚟到一場已經算好,唔使開劇就可以嚟多少少。(煲湯畀你?)蛋糕多啲,湯就少啲,佢話佢會研究吓點煲好啲湯,我都對佢廚藝幾有信心,佢整蛋糕就幾拿手,大家遲啲有機會試吓。(整結婚蛋糕定禮餅?)禮餅呢啲邊會自己做啦。」問到今年可會成家立室?他笑說:「你唔係今日問我呢啲嘢呀?今日講《風雲》,真係無可奉告。暫時工作先啦,未有planning,不過意外就好難講,即係到時你咪知。(已求婚?)未,未有咁快。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!