掃呢頁CODE去手機

2017年1月5日 星期四

【獨家】《愛.回家》再再再拍續集?馬子妮密會馬家成員密斟 __,愛.回家,

無綫處境劇《愛.回家之八時入席》喺聽日播完最後一集終於散席。不過《愛·回家》系列就點會咁易散席?嚟緊8點檔,將會播李添勝套告別作《財神駕到》,之後,新一輪嘅《愛·回家》又嚟啦,到時又可以~~晚晚陪住你食飯!有傳嚟緊處境劇個名叫《愛.回家之開心速遞》,將會喺2月尾推出,人選方面,日前有傳媒問監製羅鎮岳,佢就賣晒關子話會新人加舊人都有,今日試造型嗰陣就會知道,有指丹爺劉丹一定走唔甩,湯盈盈都好大機會留 ...




其他影片:>>






無綫處境劇《愛.回家之八時入席》喺聽日播完最後一集終於散席。不過《愛·回家》系列就點會咁易散席?嚟緊8點檔,將會播李添勝套告別作《財神駕到》,之後,新一輪嘅《愛·回家》又嚟啦,到時又可以~~晚晚陪住你食飯!有傳嚟緊處境劇個名叫《愛.回家之開心速遞》,將會喺2月尾推出,人選方面,日前有傳媒問監製羅鎮岳,佢就賣晒關子話會新人加舊人都有,今日試造型嗰陣就會知道,有指丹爺劉丹一定走唔甩,湯盈盈都好大機會留低,新人就會加入呂慧儀等。不過咁,講咁耐大家最關心睇怕係「馬家」成員究竟有冇份,始終對得耐感情都好啲。可惜有傳媒之前問過徐榮同蔣家旻,佢哋話有劇喺身,似乎想「馬家」齊齊整整,應該都幾難!但係據知喺即將開拍嘅處境劇,唔算係《愛·回家》嘅延續故事,係個新嘅故仔,丹爺都唔係做番之前個角色。雖然佢哋未必有機會再聚埋拍劇,不過話晒拍劇嗰陣日對夜對,劇中演員感情幾乎好似家人咁close,平時都會約出嚟一齊聚會吓。前日見到「馬家」全家人包括丹爺、黎諾懿、林漪娸、蔣家旻、徐榮、羅天宇等馬家成員現身將軍澳新都城。眾人邊行邊有講有笑,儼如一家人一樣。講到「馬家」日前去將軍澳食飯,黎諾懿回覆傳媒話:「平時我哋會約食飯,不過呢次就係以『馬家』身份一齊做節目,形式類似之前《一屋老友記》去台灣做節目,今次就係我哋以『馬家』身份去捐窿捐罅去搵香港嘅好嘢食!」而當日有現身嘅林漪娸,亦回覆傳媒話:「其實我哋『馬家』過時過節都會出嚟聚吓,今次就係做節目,如果有機會再一齊拍劇就梗係好」

(攝影:羅德光、朱志聰) 日前,《愛·回家》中嘅「馬家」成員,齊晒腳聚會。
羅天宇、蔣家旻、徐榮仲有丹爺都有份。 丹爺沿途笑口噬噬,心情唔錯。 原來佢哋當日去拍新嘅飲食節目,仲有馬家好都喺度㗎。(網上圖片)
個飲食節目都係以馬家角色為藍本。(網上圖片) 至於新一輯嘅《愛·回家》,「馬家」就未必齊腳囉!(網上圖片) 黎諾懿同林漪娸都話佢哋平時都會約出嚟聚吓!(網上圖片)

來源 source: http://s.nextmedia.com
鍾意就快D Share啦!