2017年1月2日 星期一

【叱咤頒獎禮】吳業坤爆大冷摘「我最喜愛男歌手」 現場喝倒彩 __,吳業坤,

頭先至喺訪問中話自己感覺好似「啲衫褲散開晒,覺得自己好似裸體咁,需要時間重組自己。呢個獎都係肯定自己一下。」嘅坤哥吳業坤,喺全年得一首《百姓》派台,竟然可以一舉摘下「我最喜愛的男歌手」……係冧莊!當時坤哥呆咗,佢摸摸下巴,然後完全不懂反應。大家拍晒手,但同時亦傳來喝倒彩,坤哥呆若木雞咁企起身,擰轉身、深深鞠躬。上台前,坤哥再行出去,又一次深深鞠躬。上年拎呢個獎時,佢話好後悔自己著咗條褲……今年,老 ...




其他影片:>>






頭先至喺訪問中話自己感覺好似「啲衫褲散開晒,覺得自己好似裸體咁,需要時間重組自己。呢個獎都係肯定自己一下。」嘅坤哥吳業坤,喺全年得一首《百姓》派台,竟然可以一舉摘下「我最喜愛的男歌手」……係冧莊!當時坤哥呆咗,佢摸摸下巴,然後完全不懂反應。大家拍晒手,但同時亦傳來喝倒彩,坤哥呆若木雞咁企起身,擰轉身、深深鞠躬。上台前,坤哥再行出去,又一次深深鞠躬。上年拎呢個獎時,佢話好後悔自己著咗條褲……今年,老老竇竇,坤哥真係冇諗過拎獎,拾級上台時,坤哥係慢慢行上去,好似仲係遊緊魂咁………定係震驚到冇力?坤哥深深透大氣,然後望一望個獎,聲震震問森美:「你有冇嘢幫我講你有冇嘢幫我講…」係咁追住森美問。然後又遊魂幾秒,先至話:「其實我想衷心講一句多謝……唉死啦…er……只係想講在座嘅每一位歌手朋友,都係好出色,今年我真係可以話係……過山車又好,不斷喺超速嘅紅van又好,或者……一程啦,今日係第二程。」然後想逐一致謝,但講唔夠幾句又「死啦」,dead air,腦海一片空白。當坤哥諗到要咩時,現場突然響起音樂,硬生生cut咗。然後飄來坤哥一句:「走啦。」

得知自己拎獎一刻
去年的短褲仔 升起了霧氣

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...