掃呢頁CODE去手機

2017年1月8日 星期日

勁歌:軒仔致謝被催 農夫叫報埋新聞 __,農夫,陸永權,鄭詩君,張敬軒,軒仔,

軒仔上台講感言時,台下工作人員叫唔好圈佢。2016年度勁歌金曲頒發最後一個大獎「最受歡迎男歌星」,在頒發「最受歡迎男歌星」前,司儀崔建邦提議今次嚟個反傳統嘅頒獎方式,就係有邊個在座男歌手覺得自己值得拎依個獎就上台,然後有好多歌手都想推吳業坤上台,而陳柏宇就想拉張敬軒上台。最後,大會宣布軒仔連續第三年奪得《最受歡迎男歌星》,一如東網所料。軒仔上台講感言時,就叫台下工作人員唔好圈佢,農夫即刻插嘴話:「 ...


軒仔上台講感言時,台下工作人員叫唔好圈佢。

2016年度勁歌金曲頒發最後一個大獎「最受歡迎男歌星」,在頒發「最受歡迎男歌星」前,司儀崔建邦提議今次嚟個反傳統嘅頒獎方式,就係有邊個在座男歌手覺得自己值得拎依個獎就上台,然後有好多歌手都想推吳業坤上台,而陳柏宇就想拉張敬軒上台。最後,大會宣布軒仔連續第三年奪得《最受歡迎男歌星》,一如東網所料。

軒仔上台講感言時,就叫台下工作人員唔好圈佢,農夫即刻插嘴話:「你可唔可以報埋新聞?天氣?定財經都得?」軒仔感觸地說:「又多一座純金獎座,好坦白講依個獎對我嚟講似寄望多於肯定,其實我同所有男歌手都一樣好努力。」軒仔又特地多謝TVB:「TVB畀咗好多機會我,好多謝TVB,特別多謝何哲圖,佢係相信音樂行先唔係商業行先。」軒仔仲特別多謝已榮休的吳雨大哥及歌迷:「因為佢哋都跟咗我好多年(歌迷),由佢哋讀緊書到做咗爸媽,同佢哋一齊成長,多謝同行,多謝大家鼓勵掌聲,過去呢段時間無論廣東定香港嘅樂壇,都有好多聲音,都係好艱難時間,但係依啲聲音係鞭策我哋嘅能量!」最後來自廣州的軒仔藉着TVB大氣電波多謝喺廣州鄉親父老。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!