掃呢頁CODE去手機

2017年1月10日 星期二

【升呢做三公】鄧上文生8.24磅B仔 鄧英敏:最好追個女 __,鄧上文,

【更新圖片】鄧英敏嘅33歲囡囡鄧上文(Shermon),05年參加港姐摘下「最上鏡小姐」獎項,上文喺2010年3月同澳洲籍初戀男友Andrew喺泰國結婚,佢翌年離開無綫,同年年底生咗大仔Maddox(樂然),兩年後再追二仔Luca(樂天),舊年宣佈有咗,又係囝囝!公公鄧英敏今午向《蘋果》報喜,佢話細孫仔叫ZionCallumJoy(樂峰)今日凌晨出咗世,上文順產誕下重8.24磅囝囝,母子平安。鄧英 ...




其他影片:>>






【更新圖片】

鄧英敏嘅33歲囡囡鄧上文(Shermon),05年參加港姐摘下「最上鏡小姐」獎項,上文喺2010年3月同澳洲籍初戀男友Andrew喺泰國結婚,佢翌年離開無綫,同年年底生咗大仔Maddox(樂然),兩年後再追二仔Luca(樂天),舊年宣佈有咗,又係囝囝!公公鄧英敏今午向《蘋果》報喜,佢話細孫仔叫Zion Callum Joy(樂峰)今日凌晨出咗世,上文順產誕下重8.24磅囝囝,母子平安。鄧英敏去年底知道即將再做外公,佢都好開心,仲笑言儲齊三條King(新聞連結: http://bit.ly/2i4MgWC ),上文早兩個月先畀《蘋果》讀者透過「爆相爆片」爆料見佢現身母嬰健康院,相中見佢腹大便便,陀B嘅上文仲話o依家係全職媽咪,佢同老公都鍾意big family。話咁快,上文今日凌晨就順產生咗健康巨B出嚟,鄧英敏當然好歡迎新成員,佢今日興奮咁話:「好開心,好開心,咁我o依家正式升呢做『三公』,即係三任公公,我喺呢度要衷心咁讚Shermon一句。8磅幾嘅B都可以順產,可能佢讀書時好鍾意運動,係運動健將嚟,生B對佢嚟講冇困難,不如鼓勵佢生多個,三不離四,追個女都好,咁到時有四兄弟姊妹,玩乜嘢運動都不求人,打麻雀就四個啱啱好。」

鄧上文順產8.24磅囝囝,再做公公嘅鄧英敏想要個外孫女。
之前去健康院檢查。(資料圖片)
(資料圖片) (資料圖片) 鄧上文同老公已經有兩個囝囝,今日再添多位成員。(資料圖片)

來源 source: http://s.nextmedia.com
鍾意就快D Share啦!