2017年1月6日 星期五

【半年為夫花費千萬】體重暴脹至220磅 陳子聰昏迷入院 __,陳子聰,

陳子聰上年8月因為腸胃問題入院,擔心死老婆何超儀,好彩一切大步欖過,o依家健健康康,兩公婆仲一齊去做運動。查實子聰入行嗰時,有一副完美Body,6呎高加埋41吋胸肌,仲被叫做「港版木村」,聽個名都知佢有幾fit。直至03年結婚之後,超儀講笑咁話過,要儲肥老公,等佢唔好咁多狂風浪蝶。子聰初期婚後生活,身廣體胖未算有太大走樣,不過無耐體重暴脹至220磅,仲有埋三高同血管疾病,加上酗酒,健康響起警號,喺 ...




其他影片:>>






陳子聰上年8月因為腸胃問題入院,擔心死老婆何超儀,好彩一切大步欖過,o依家健健康康,兩公婆仲一齊去做運動。查實子聰入行嗰時,有一副完美Body,6呎高加埋41吋胸肌,仲被叫做「港版木村」,聽個名都知佢有幾fit。直至03年結婚之後,超儀講笑咁話過,要儲肥老公,等佢唔好咁多狂風浪蝶。子聰初期婚後生活,身廣體胖未算有太大走樣,不過無耐體重暴脹至220磅,仲有埋三高同血管疾病,加上酗酒,健康響起警號,喺超儀嘅要求之下減肥,喺3個月減咗60磅。體重大起大落,身體始終適應唔到,上年8月有傳子聰在家中暈倒,更一度失憶,呢段時間超儀不停出入醫院,又叫咗屋企人同朋友探病,情況令人擔心。後來陳子聰由港安醫院轉去瑪麗醫院,接受切除部份腸臟手術後,慢慢康復。期間超儀衣不解帶照顧,甚至停工半年,夫妻經此難關,感情自是更加堅固。超儀同子聰夫妻感情更見親密,但超儀同好姊妹、當年結婚做伴娘嘅徐濠縈關係卻備受考驗。事緣徐濠縈於私人ig貼出一張與陳子聰夫婦合照,陳子聰暴瘦look因而流出,有傳令子聰雙親及超瓊不開心。儘管阿徐同超儀事後均澄清姊妹情不變,但據知兩人一直「互避」同場,超儀更忍不住稱徐濠縈有「分享症」,令姊妹關係裂縫更深。有傳超儀為咗老公,短短數月不惜花費逾千萬元,子聰出院後又以200萬元月租服務式住宅,等老公可以專心養病,仲日日孖住老公做運動,非常有決心。為保私隱,早前超儀又搬新竇,為求令老公不受騷擾。

子聰身型變化得咁勁,其實唔係好健康……(資料圖片) 「港版木村」時期,勁fit。
結婚初期,輕輕肥咗少少。 最高峰時候係暴脹大肚腩。
上年大病初癒的模樣。病容流出,令徐濠縈與何超儀姊妹情備受考驗。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...