2017年1月12日 星期四

同燒賣有仇 細細粒吞晒佢 [壹週刊 - 1401] __,細細粒,M1,

同你吟一吟同燒賣有仇 細細粒吞晒佢藝人靠面口搵食,為咗個殼見得人,死忍爛忍望咗當食咗!偶有例外,好似成日話以外國標準,自己一啲都唔肥嘅欣宜,當然仲有簡直叫得靚女嘅細細粒陳嘉佳。早個禮拜,細細粒約咗個真細細粒嘅「朋友仔」去數碼港睇戲,去到戲院,先坐低急「隊」一盒燒賣,一粒一粒又一粒,連啪!令兩邊面珠,塞到比脹卜卜更脹卜卜。食完燒賣再買爆谷入場食,同「朋友仔」一人一桶唔使爭,細細粒捧住大桶爆谷,邊食邊 ...


同你吟一吟

同燒賣有仇 細細粒吞晒佢

藝人靠面口搵食,為咗個殼見得人,死忍爛忍望咗當食咗!偶有例外,好似成日話以外國標準,自己一啲都唔肥嘅欣宜,當然仲有簡直叫得靚女嘅細細粒陳嘉佳。

早個禮拜,細細粒約咗個真細細粒嘅「朋友仔」去數碼港睇戲,去到戲院,先坐低急「隊」一盒燒賣,一粒一粒又一粒,連啪!令兩邊面珠,塞到比脹卜卜更脹卜卜。

食完燒賣再買爆谷入場食,同「朋友仔」一人一桶唔使爭,細細粒捧住大桶爆谷,邊食邊行去入場。

大台套《老表,畢業喇!》既有欣宜,亦有細細粒,實在令人期待,真心嘅!

趕住睇戲,細細粒以最短時間 KO盒燒賣,結果係一臉飽滿。

瘦嘅「朋友仔」食細桶,大件嘅,當然要最大桶先夠喉,更何況,由買完到行去入場,細細粒隻手根本冇離開過啲爆谷。

睇完戲,已經十點幾,兩人行去停車場攞車走。

有欣宜×細細粒,王祖藍炮製分量十足嘅《老表,畢業喇!》,值得大家拭目以待。

撰文︰八珍


鍾意就快D Share啦!
Related Posts Plugin for WordPress, Blogger...