掃呢頁CODE去手機

2017年1月12日 星期四

蒙面彈起 側田踢館《歌手》 張敬軒臨門獲審批 [壹週刊 - 1401] __,張敬軒,側田,M1,

娛樂偵訊蒙面彈起 側田踢館《歌手》 張敬軒臨門獲審批有助人氣的湖南衞視歌唱比賽節目《我是歌手》,令不少中、港、台、韓等地歌手爭相參賽,反應熱烈;節目已播到第五季,因為內地「限韓令」被迫停播。上有政策,下有對策。據知,節目已改名為《歌手》再出發,並於本月廿一日播出,賺人仔要緊的林憶蓮打頭陣,還有蕭敬騰、林宥嘉等台灣幫,曾參加《蒙面唱將猜猜猜》的側田,被大會安排以踢館身份三月出擊,張敬軒因今年橫掃各大 ...


娛樂偵訊

蒙面彈起 側田踢館《歌手》 張敬軒臨門獲審批

有助人氣的湖南衞視歌唱比賽節目《我是歌手》,令不少中、港、台、韓等地歌手爭相參賽,反應熱烈;節目已播到第五季,因為內地「限韓令」被迫停播。

上有政策,下有對策。據知,節目已改名為《歌手》再出發,並於本月廿一日播出,賺人仔要緊的林憶蓮打頭陣,還有蕭敬騰、林宥嘉等台灣幫,曾參加《蒙面唱將猜猜猜》的側田,被大會安排以踢館身份三月出擊,張敬軒因今年橫掃各大樂壇男歌手獎項,由本來的不獲審批,變為順利參賽,內地節目準則果然變幻莫測!

已拍宣傳片

《我是歌手》播出至今,帶挈不少歌手例如鄧紫棋、孫楠、周筆暢、李克勤等在內地更上一層樓,新一季的歌手名額一如以往爭崩頭,本來已確定出賽,甚至拍好節目宣傳片的張敬軒,卻臨時被取消資格。

「之前《我是歌手 4》英皇已開始安排軒仔參加,不過當時佢因為黃絲味太重,過唔到審批;之後軒仔封口唔再講政治,早幾個月開始中、港兩地飛來飛去,為參戰準備,上個月仲飛埋去拍節目宣傳片,乜都搞好晒,預備今個月飛去長沙錄影。點知十二月尾突然收到大會通知,話軒仔過唔到最後審批,要 out出局。」知情者說。

側田上年以童話裡不是騙人的小王子參加《蒙面唱將猜猜猜》而成功彈起,人氣急升。

有感而發

臨門一腳滑鐵盧,難怪張敬軒在剛過去的一月一日「叱咤樂壇頒獎禮」上有感而發。

「從今年開始,我嘅生活會變成減法,逐啲逐啲將自己減番去最初,即係 2002年啱啱嚟到香港,嗰種純粹好鍾意做音樂,去俾心機做音樂。」張敬軒說。

據知,英皇娛樂一度盡力再爭取,近日突然收到可參賽的通知。

「英皇為咗軒仔上到《歌手》,已經敲咗好多次門,上年仲俾埋容祖兒去玩,點知最後係咁!直到軒仔掃晒咁多個樂壇嘅男歌手獎,先俾佢參加,真係估佢唔到。」

天后級林憶蓮落實參賽,結果惹起公憤,成為網民討論的熱話!

軒仔於一月九日公布,將會參加《歌手》。

容祖兒去年被英皇安排參加《我是歌手》,結果輸了給李玟及張信哲。

林俊傑棄權

天后級的林憶蓮就以重點參賽者在名單之內。

「冇人諗過憶蓮會玩,所以亦係個有號召力嘅人選。仲有上年上過《蒙面唱將猜猜猜》嘅側田,佢個情歌小王子形象喺國內好 hit,大會安排佢喺今年三月,以踢館身份出現,但要到時先知 PK邊個。

「本來大會想搵林俊傑,不過佢經理人唔想佢參與太多同類型節目所以推咗,今年都多台灣幫,蕭敬騰、林宥嘉會陸續出現,另外仲有光良同內地歌手袁婭維等。」知情者說。

蕭敬騰及林宥嘉將參戰《歌手》,代表台灣幫殺入節目,希望能因此提升在內地的知名度,拓大內地市場。

林俊傑的經理人為他推掉參賽的機會。

G.E.M.因為參加《我是歌手》而在內地火紅,幾乎全力賺人仔,身家暴漲。

去年,李克勤亦抵不住《我是歌手》的威力,參加 PK賽,結果成功打入內地市場,經常穿梭中、港兩地唱騷搵真銀。

撰文、攝影、攝錄:娛樂組


鍾意就快D Share啦!