掃呢頁CODE去手機

2017年1月5日 星期四

小產心情未平復 吳雨霏又剎停錄音 [壹週刊 - 1400] __,吳雨,miss A,霏,吳雨霏,M1,

體貼老婆的Brian,要Kary上車等佢,自己則去附近超市上糧。探熱針小產心情未平復 吳雨霏又剎停錄音因為小產,三月開始停工休息的吳雨霏,原本十月開始復工錄音,並已經錄了一首歌,但十一月小產消息流出後,被勾起傷痛的她,再次剎停錄音,令新碟推出無期。勾起傷心事原本定好今年推出新碟的吳雨霏,一五年尾開始進行唱片錄音,之後因為發現有咗,Kary決定暫停,但腹中胎兒不幸於今年三月流產,令一直恨做媽咪的她大 ...


體貼老婆的 Brian,要 Kary上車等佢,自己則去附近超市上糧。

探熱針

小產心情未平復 吳雨霏又剎停錄音

因為小產,三月開始停工休息的吳雨霏,原本十月開始復工錄音,並已經錄了一首歌,但十一月小產消息流出後,被勾起傷痛的她,再次剎停錄音,令新碟推出無期。

勾起傷心事

原本定好今年推出新碟的吳雨霏,一五年尾開始進行唱片錄音,之後因為發現有咗, Kary決定暫停,但腹中胎兒不幸於今年三月流產,令一直恨做媽咪的她大受打擊,全面剎停工作,休養調理身體。

休息近一年, Kary終於收拾心情,去年十月重新灌錄新碟,但一個月後突然爆出小產消息,令她再受刺激,又將出碟計劃推遲。

「小產件事, Kary只係同咗幾個朋友講,無諗過件事會傳咗出去,身邊朋友同老爺奶奶嗰邊知道後都好擔心 Kary情緒再受影響!」 Kary身邊人說。

身在外地同老公滑雪過白色聖誕的 Kary,返港做完倒數活動及之前接下的幾個活動 job後,便會繼續放假休息。

「環球(公司)嗰邊好體諒 Kary,話最緊要係佢自己覺得心情 ready好先,否則,勉強做嘅話,出嚟啲嘢都唔會好!」

兩人在健康食品店逗留半個鐘才離開。

Kary對不同種類產品都細心研究,了解清楚才落手買。

去年 11月 6日, Kary在 IG承認小產,更透露多得老公陪她度過人生高低,兩人感情無比堅固。

拍拖買健康食品

同青梅竹馬的 Brian洪立熙婚後, Kary的人生觀亦有所改變。

「 Kary雖然只係三十歲,但十五歲已經入行,經歷過好多高高低低,結咗婚之後,佢更珍惜同老公相處時間。 Brian好錫 Kary,乜都將老婆放喺第一位, Brian成日要出外公幹,但幾忙都一定抽時間陪 Kary;呢大半年,佢不時跟老公出埠旅行散心, Kary亦覺得自己做咗人老婆,應該家庭放第一位,所以喺事業方面都放慢咗腳步,唔會好似以前咁搏殺!」 Kary身邊人說。

再次停工的 Kary,早前就孖住老公現身跑馬地,二人對一間健康食品店的產品甚有興趣,又向店員了解產品功能,問清楚先決定買,離開健康食品店後,下一站是去超市入貨,但 Brian唔想老婆騰來騰去,叫 Kary先上車等,超體貼。

婚後放慢工作步伐,過去兩年 Kary均未有出席頒獎禮。

15年 1月, Kary同三分三合的 Brian宣布婚訊。

因為小產關係, Kary只出席 Miki香港婚宴,未有到峇里參加海外婚禮。

去年十月初, Kary復出現身活動,當時曾表示會開始錄碟。

屢敗屢試

為免 BB小器,傳統上懷孕未夠三個月的話,準父母都會秘而不宣,但信唔信邪因人而異,不少藝人就算經歷小產之痛,都會屢敗屢試,踢走心理生理上的陰影,直至成功佗 B。

陳慧琳

07年,陳慧琳誕下「蝦餃仔」劉昇後,一直想追女, 12年宣布進行人工受孕成功佗孖女,可惜懷胎五個月後不幸流產,但 Kelly未有氣餒,積極再追,同年 11月,再度人工受孕懷有細仔劉琛。

蔡少芬

經歷過小產的蔡少芬再成功懷孕, 11年剖腹誕下愛女張楚兒,翌年再度報喜,追多個女張信兒。

撰文、攝影、攝錄:娛樂組


鍾意就快D Share啦!