掃呢頁CODE去手機

2016年12月6日 星期二

【綠葉去晒邊?】張敏嫁前經理人居北京 「善良的槍」黃Sir 係編劇 __,張敏,

重播又重播,但星爺嗰套電影《逃學威龍》真係睇極都唔厭。不過除咗星爺、「善良的槍」同小妖,你仲記得幾多位先?黃Sir(黃炳耀):身為星爺同達哥嘅上司,最叻鉸剪腳。不過黃炳耀原來係位編劇,只係間中客串演出,除咗《逃學威龍》,耳熟能詳嘅作品仲有《疆屍先生》同《夏日福星》等等,不過呢位金牌編劇,喺92年因病去世。曹達華(吳孟達):同星爺一樣係警察,不過入到學校做卧底就變咗校工。達哥咁多年演藝生涯,同星爺可 ...


重播又重播,但星爺嗰套電影《逃學威龍》真係睇極都唔厭。不過除咗星爺、「善良的槍」同小妖,你仲記得幾多位先?黃Sir(黃炳耀):身為星爺同達哥嘅上司,最叻鉸剪腳。不過黃炳耀原來係位編劇,只係間中客串演出,除咗《逃學威龍》,耳熟能詳嘅作品仲有《疆屍先生》同《夏日福星》等等,不過呢位金牌編劇,喺92年因病去世。曹達華(吳孟達):同星爺一樣係警察,不過入到學校做卧底就變咗校工。達哥咁多年演藝生涯,同星爺可以話係形影不離。但達哥前年確診是心臟急衰竭,要住深切治療部,之後就開始減產,今年都有幫手拍港產片《導火新聞線》。黃小龜(黃一山):細龜喺學校俾小妖蝦,仲跟咗星爺做大佬。現實版嘅細龜,都係跟住星爺搵食,合作電影仲有《唐伯父點秋香》、《九品芝麻官》等,儲落唔少人氣。03年起佢返大陸登台搵食。大飛(張耀揚):黑幫大佬,吩咐手下對付星爺。張耀揚可以話係影壇反派嘅代表人物,現實生活同戲中角色相差無幾,前年佢喺北京朝陽區一間酒店涉嫌吸毒同嫖妓,被拘留29日先獲釋。Miss Ho(張敏):星爺學校老師,最後鍾意咗星爺。今年49歲嘅張敏,曾同星爺合作多套電影,風光一時,不過03年退出娛圈,長居北京,13年與前經理人結婚劉永輝。

黃Sir黃炳耀原來係編劇,不過92年過咗身。(《逃學威龍》劇照) (《逃學威龍》劇照) 達哥近年減產喇。(資料圖片)
細龜&friends(《逃學威龍》劇照) 細龜近年多喺大陸登台。(資料圖片) 張耀揚喺戲入面係大佬,現實生活涉嫌藏毒。(《逃學威龍》劇照)
張敏。(《逃學威龍》劇照) 息影後同前經理人結婚。(資料圖片)

來源 source: http://s.nextmedia.com
鍾意就快D Share啦!