掃呢頁CODE去手機

2016年12月3日 星期六

鄧麗欣:分手後首次撞正小方 鄧麗欣敷定Mask __,小方,鄧麗欣,方力申,

淨係Say個hi?藝人鄧麗欣(Stephy)、方力申今年3月宣布分手後,相隔了8個月,兩人今日以榮譽顧問身份,首次同場出席第五屆「揹水一戰」啟動禮。Stephy在活動上率先現身受訪,期間並未見小方出現,Stephy被問到心情是好靚?她笑說:「日日都咁靚喎。(今日嚟呢度,事前有咩準備?)敷咗個mask!」作為榮譽顧問的她表示今年都想繼續參加呢個活動,她說:「諗住帶埋我隊排球隊一齊去跑,當Traini ...




其他影片:>>






淨係Say個hi?

藝人鄧麗欣(Stephy)、方力申今年3月宣布分手後,相隔了8個月,兩人今日以榮譽顧問身份,首次同場出席第五屆「揹水一戰」啟動禮。Stephy在活動上率先現身受訪,期間並未見小方出現,Stephy被問到心情是好靚?她笑說:「日日都咁靚喎。(今日嚟呢度,事前有咩準備?)敷咗個mask!」作為榮譽顧問的她表示今年都想繼續參加呢個活動,她說:「諗住帶埋我隊排球隊一齊去跑,當Training上山跑咁,因為要孭住樽水跑,都要好好咁預備吓嘅,係一個好好機會去練吓體能。呢個活動搞咗好多年,宣傳做得好好,由第一年有三千人參加增加到依家有六千人。」

同場唔尷尬

問到點解大會先安排Stephy做訪問?Stephy解釋:「陣間要做嘢,儀式完咗之後要即刻走。」今次是她與小方分手後首次同台碰面?她說:「心情冇乜特別緊張,其實都幾有意思嘅,因為一開始大家一齊做呢個活動,小方都係呢個活動嘅榮譽顧問,點都好有時間都會出席。(同小方見面會唔會尷尬?)其實分手後都係第一次同場同見面,我哋都冇聯絡。(會否做番朋友?)唔會刻意,隨意,唔需要刻意去做啲乜嘢。」

見番面「Say hi囉」

問到見到小方會點樣?Stephy說:「Say hi囉!(會唔會八卦吓對方嘅感情事?)我不嬲都唔八卦嘅,應該一陣上台先至會見到。(會唔會傾吓偈?)唔知呀,say hi先,都係睇緣分。(會唔會同小方一齊跑呢個活動?)其實都幾千人一齊跑,一齊跑都得囉!但唔知佢會唔會參加,如果參加咪一齊跑。(會唔會同佢一齊組隊?)唔好喇,驚自己個成績拉慢咗對方,因為男女跑嘅時間不同。(好似有啲芥蒂?)唔係,唔使刻意囉,佢會跑先算。(小方同超蓮又被影到結伴出入?)唔八卦喇,留畀你哋問。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!