2016年12月21日 星期三

踩入城大玩餐飽 孫慧雪追仔喪吸Like __,孫慧雪,

女神落區,孫慧雪重返母校城大吸like!性格傻大姐的無綫女藝人孫慧雪乜到笑一餐,深得網友喜愛,於香港城市大學語文系畢業的她,在東網巨星新節目《區區有女神》首集殺入九龍塘區重訪母校兼向師弟妹借電話,笑料百出!在城大逗留期間,雪雪不停被同學仔認出兼索合照,但要完成借手機任務也非一帆風順,頭幾位同學因趕時間竟派檸檬,嬲到雪雪「揼地」,但其後同學都相當合作,自動波呈上手機畀女神,聽話的同學自然有福利,能夠 ...




其他影片:>>






女神落區,孫慧雪重返母校城大吸like!

性格傻大姐的無綫女藝人孫慧雪乜到笑一餐,深得網友喜愛,於香港城市大學語文系畢業的她,在東網巨星新節目《區區有女神》首集殺入九龍塘區重訪母校兼向師弟妹借電話,笑料百出!

在城大逗留期間,雪雪不停被同學仔認出兼索合照,但要完成借手機任務也非一帆風順,頭幾位同學因趕時間竟派檸檬,嬲到雪雪「揼地」,但其後同學都相當合作,自動波呈上手機畀女神,聽話的同學自然有福利,能夠跟雪雪頭貼頭大玩十連拍,同學反應亦相當趣致,「怕醜仔一號」見到女神出現即面都紅晒硬晒軚,雪雪繼續撩對方:「你知唔知我係邊個呀?Like咗我Facebook未?」嚇得怕醜仔口窒窒說:「雪……雪…雪吖嘛!可唔可以打格仔呀?」場面爆笑!

搶手機做「做嘢」

有「冷靜哥」努力扮鎮定,又有「熱情仔」跟足雪雪十幾分鐘,最終成功與雪雪玩潮Apps 齊齊扮狗仔, 當雪雪知道學生哥只Like了她的Instagram, 即「搶」了對方手機「做嘢」:「我嘅任務係要你Like埋我Facebook!」期間更有同學碰巧正在收睇雪雪有份演出的劇集《幕後玩家》,全枱人驚見女神由公仔箱跳入真實世界,都大吃一驚,有女仔指着四眼男說:「佢好鍾意你㗎!」被踢爆的「四眼男」即面紅無言!雪雪咁親民當然多正評,有同學讚她Nice及真人唔肥,氹得她笑逐顏開!

為仔食辣

雪雪分享當年讀大學的回憶,曾參加戲劇學會及朗誦隊,算是活躍分子,更暗戀過一名眼細細的可愛男仔:「成日偷望佢,又幫佢做功課,試過佢餵我食粒勁辣牛丸,我唔食得辣都照吞!覺得好甜!之後自己仲去練食辣!」雪雪多年來仍跟老師保持良好關係,會不時回校探望,她笑說:「佢哋好錫我,讚我純,仲試過老師之間鬥畀我高分!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...