掃呢頁CODE去手機

2016年12月24日 星期六

【這些機會...】Hermès餐具配Suki親手拿手菜 最豪聖誕P __,Suki,徐淑敏,

徐淑敏(Suki)有個識食老公黃浩(Kenny),偏偏Kenny又熱愛下廚,Suki婚後一直做幸福人妻,十指不沾陽春水,不過今年9月,佢的起心肝到東京學藍帶法國菜,學藝3個月,本月中先返到港,撞正聖誕節,佢噚晚就喺屋企提早開party,Suki大顯身手,一共煮咗5道菜,除咗屋企人,「沈大師」沈卓盈、陳智燊(Jason)同老婆宋熙年都有口福,搶先試到Suki嘅手勢。Suki精心設計嘅聖誕餐,有雞肉開 ...




其他影片:>>






徐淑敏(Suki)有個識食老公黃浩(Kenny),偏偏Kenny又熱愛下廚,Suki婚後一直做幸福人妻,十指不沾陽春水,不過今年9月,佢的起心肝到東京學藍帶法國菜,學藝3個月,本月中先返到港,撞正聖誕節,佢噚晚就喺屋企提早開party,Suki大顯身手,一共煮咗5道菜,除咗屋企人,「沈大師」沈卓盈、陳智燊(Jason)同老婆宋熙年都有口福,搶先試到Suki嘅手勢。Suki精心設計嘅聖誕餐,有雞肉開心果鵝肝、馬賽魚湯、龍蝦、炖牛肉同法式燉梨伴雲呢拿雪糕,佢由劏龍蝦到雪糕都親自炮製,所以佢花咗兩日時間準備,無論味道到伴碟都好有功架,甚有高級餐廳水準。Suki甚除咗好緊張食物質素,佢連餐桌布置都好有要求,佢親自擺位,仲用Hermès餐具同Swarovski水晶杯招呼賓客,非常高貴。Suki每上一道菜,佢匆匆吃完又去廚房打點下一道菜,Kenny雖技癢,但都全晚忍手,將廚房交畀Suki,沈大師、Jason同宋熙年邊食邊讚好味道。佢哋食完仲玩交換禮物,沈大師抽到米奇老鼠餅機,佢搞笑話拎住當2017最潮手袋,宋熙年抽到潤手霜,佢話好啱用。Suki三個囡囡Vianna、Renee同Isabella就大豐收,收禮物收到手軟,佢哋即收即拆。靚仔Jason果然有異性相吸能力,Suki三個囡囡係咁黐住佢,宋熙年笑言唔怕老公畀女圍。Jason同宋熙年新婚,佢哋都鍾意小朋友,但先享受二人世界先考慮生B。問宋熙年係咪要學Suki生三個?佢話:「兩個夠晒數,三個湊唔掂。」沈大師話聖誕未有人約,派對尾聲,大家再同Kenny媽咪切蛋糕,慶祝佢日前74歲生日。Suki話東京學藝,學咗至少150道菜,佢大把殺手鐧整畀屋企人同友人享用,佢話:「呢次我學第一次宴客,我未係好滿意,只畀自己70分啦,下次可以再好啲。」Suki同Kenny噚晚開P狂歡到凌晨,噚日佢哋一家7口,三代同堂出發去杜拜過熱辣辣聖誕,玩到跨年先返嚟。

Suki精心設計聖誕餐 「沈大師」都有嚟
Suki三個囡囡Vianna、Renee同Isabella大豐收
Jason好受Suki嘅囡囡歡迎

來源 source: http://s.nextmedia.com
鍾意就快D Share啦!