掃呢頁CODE去手機

2016年12月1日 星期四

湊女又巡唱 素顏 Gigi殘晒 [壹週刊 - 1395] __,M1,

同你吟一吟湊女又巡唱 素顏Gigi殘晒見到Gigi呢個素顏樣,真係不禁要讚一讚化妝品嘅神奇!為咗紀念入行廿周年,Gigi早前游走內地開巡唱。忙完公事,又要忙私事。上個禮拜,Gigi單拖現身太子大廈shopping,幫歲半囡囡Sofia買裙仔。Gigi喺鋪頭入面左揀又揀,終於揀啱條白色背心裙,埋單俾錢。一轉身,Gigi見到記者一臉愕然,醒起自己冇化妝,即刻戴番副超。不過……殘樣已經曝咗光,面青囗唇白 ...


同你吟一吟

湊女又巡唱 素顏 Gigi殘晒

見到 Gigi呢個素顏樣,真係不禁要讚一讚化妝品嘅神奇!

為咗紀念入行廿周年, Gigi早前游走內地開巡唱。忙完公事,又要忙私事。上個禮拜, Gigi單拖現身太子大廈 shopping,幫歲半囡囡 Sofia買裙仔。

Gigi喺鋪頭入面左揀又揀,終於揀啱條白色背心裙,埋單俾錢。一轉身, Gigi見到記者一臉愕然,醒起自己冇化妝,即刻戴番副超。不過……殘樣已經曝咗光,面青囗唇白,加埋大大對黑眼圈,都有啲嚇人!

臨走前, Gigi都好有禮貌,同記者打招呼,仲話囡囡遲吓要做花女,所以買定花女裙, Gigi咪嫌八珍長氣,「女人唔補好易冇㗎!」

殘樣見光,嚇到 Gigi即刻耷低頭。

Gigi幫囡囡揀咗條白色裙仔做花女。

見到記者, Gigi即刻戴番副超遮住殘樣。

素顏 Gigi大大對熊貓眼,化妝前後真係好大分別!

Gigi歲半囡囡 Sofia似老公,個樣鬼鬼哋,好得意。

撰文:八珍


鍾意就快D Share啦!