2016年12月29日 星期四

袁詠儀重手氹 Chilam [壹週刊 - 1399] __,Chilam,袁詠儀,張智霖,M1,

Speaker有唔同款式品牌,店員逐一講解介紹,靚靚最後揀咗近兩萬蚊一個嘅Devialet。同你吟一吟袁詠儀重手氹Chilam女人要氹,其實,男人更加,尤其係結婚好耐嘅老夫老妻。大家睇吓嫁咗俾張智霖15年嘅靚靚袁詠儀,要照顧囝囝魔童,又要張羅聖誕元旦朋友party嘅禮物,但最頭痛嘅,係送俾老公嗰份。上星期五,平安夜前夕,靚靚帶住10歲大嘅魔童,兩母子一齊去買禮物俾Chilam。早有方向嘅佢,目標係 ...


Speaker有唔同款式品牌,店員逐一講解介紹,靚靚最後揀咗近兩萬蚊一個嘅 Devialet。

同你吟一吟

袁詠儀重手氹 Chilam

女人要氹,其實,男人更加,尤其係結婚好耐嘅老夫老妻。大家睇吓嫁咗俾張智霖 15年嘅靚靚袁詠儀,要照顧囝囝魔童,又要張羅聖誕元旦朋友 party嘅禮物,但最頭痛嘅,係送俾老公嗰份。

上星期五,平安夜前夕,靚靚帶住 10歲大嘅魔童,兩母子一齊去買禮物俾 Chilam。早有方向嘅佢,目標係 Lane Crawford,喺專售 lifestyle產品區,靚靚聽完店員介紹唔同牌子、唔同款式嘅擴音器,好快就扑槌,揀咗 Devialet嘅 Active wireless speaker,白、銀、金三色唔同價,銀色一個要$19,800,特別襯型仔老公,買!

如果由拍拖計起,靚靚 Chilam一齊接近四分一世紀, 2018年就足 25年。夫妻一世流流長,你氹我我氹你,重手輕手冇所謂,重要係莫失莫忘。

去 Lane Crawford前,囝囝優先嘅靚靚,排隊買嘢俾魔童食。



搞掂俾錢,魔童走埋媽咪身邊詐嬌, 10歲仔,仲好黐身。

係咁摸住個擴音器,魔童十分好奇。

93年拍電影《邊城浪子》撻着嘅 Chilam同靚靚,不時返內地賺人仔,包括以天價夫妻檔做真人騷。

撰文:八珍


鍾意就快D Share啦!
Related Posts Plugin for WordPress, Blogger...