2016年12月18日 星期日

富三代登場!百億富豪呂志和孫女呂嘉瑩接捧開Cafe __,呂志和,

百億富豪、銀河娛樂集團主席呂志和家族一向低調,子女、孫兒等不少從未曝光。呂志和長子、呂耀東的大女呂嘉瑩(Joanna)前日罕有在澳門受訪,介紹自己首次主理的生活咖啡館「ChaBei」(茶杯)。30歲出頭,長髮愛笑的爽朗太子女提到呂家家訓:「爺爺成日講,做人要勤奮,失敗三次都要試,總會有一次成功!」呂家第三代大孫女呂嘉瑩30歲出頭,着住綠色皮褸在仍未拆裝修圍板的「ChaBei」咖啡館四處打點,「由今 ...




其他影片:>>






百億富豪、銀河娛樂集團主席呂志和家族一向低調,子女、孫兒等不少從未曝光。呂志和長子、呂耀東的大女呂嘉瑩(Joanna)前日罕有在澳門受訪,介紹自己首次主理的生活咖啡館「Cha Bei」(茶杯)。30歲出頭,長髮愛笑的爽朗太子女提到呂家家訓:「爺爺成日講,做人要勤奮,失敗三次都要試,總會有一次成功!」呂家第三代大孫女呂嘉瑩30歲出頭,着住綠色皮褸在仍未拆裝修圍板的「Cha Bei」咖啡館四處打點,「由今年3月開始籌劃,下個月終於開幕。」緊張皆因是自己為銀河擔大旗的首個project。Joanna大學讀心理學,小時候夢想做教師,讀完書發現喜歡酒店業,近年返銀河學接棒,就以鍾意的餐飲業起步,「呢兩年好幸運去咗好多地方,返到澳門,發現澳門只有兩大類餐廳,一係好fine dining,一係好地道,我本身鍾意食啲casual又健康嘅嘢,發現澳門無呢個market,所以想做一間casual dining,中西合璧的cafe。」愛茶、開茶館的概念,也來自爺爺呂志和。原來呂家飯後,必泡一壺普洱茶,「嫲嫲好鍾意搵啲新奇古怪的茶畀我哋試,試過將普洱磨咗漿,再做成一粒丸子嘅普洱波波,放入熱水就會溶,冇咗茶葉。」飲茶時間,一家人圍在一起,傾日常家事,「爺爺喺我心目中,係一個好慈祥嘅人,教我哋好多人生道理。細細個已成日聽佢教,做人要勤奮,第一次做唔到,要做第二次,第三次失敗都要再做,總有一次會成功的。」爸爸呂耀東曾自爆當年在石礦場磨練,呂嘉瑩同樣要先出去歷練。自己寫求職信去君悅酒店,做了四年,由前台接待到餐飲婚宴,做錯事一樣被鬧。「頭一兩年真係冇人知,因為我真係自己去求職,有少少特登唔去透露自己身份,因為想學、同睇啲嘢,係真係會唔同。多謝老細畀好多機會我,成日鬧我,教我睇嘢要好仔細。」千金小姐頂得住被鬧?「我唔係一個好容易喊嘅人,啲客人會鬧啦,啲同事會鬧,我抱住個心態係,人地係對事不對人,我唔覺得辛苦,好記得嗰時啲team work,共度難關,對我依家處事影響好大。」對被標籤為富三代有沒有壓力?「壓力一定有,做每個人嘅仔女都會有壓力,好似爹哋話齋,做好自己本身,做一個好人,你係邊個嘅後代都冇問題。」呂嘉瑩爽朗隨和,訪問期間經常笑,熱愛旅行、行山大自然,行勻麥理浩徑第二段、大潭水塘等地,新店裝潢來自阿姆斯特丹、哥本哈根、倫敦的旅遊靈感。談咖啡館及興趣就任問,但提到男友她就封口,「我可唔可以唔講?或者下次先講?」擇偶條件最重要人品個性,「品格最緊要,人要好啦,要愛錫家人及誠實,做番自己本份。」據知,原來太子女已經訂婚封盤,下年結婚。更多時尚、美容新聞,即上:http://add.appledaily.com

採訪:林妙萍 攝影:周樂恆 呂嘉瑩 ( Joanna) 年齡:約30歲 學歷:美國塔夫斯大學兒童心理學系畢業 現職:銀河娛樂款客業務拓展經理、Cha Bei創辦人 家族:銀娛主席呂志和孫女,呂耀東大女,下有兩個弟弟 呂志和孫女呂嘉瑩創辦生活時尚咖啡館Cha Bei
呂嘉瑩由入貨、裝修、揀茶具,樣樣親力親為 5500 呎以淺綠、粉紅及木色為主,營造自然舒服感。 Cha Bei展出不少來自世界各地的茶具。
熱愛旅行 生活格言
爺爺呂志和、爸爸呂耀東 呂家一向低調,家庭照甚少曝光。(呂志和和子女)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...