掃呢頁CODE去手機

2016年12月2日 星期五

【《致命復活》終極Boss…】一切都係郭晉安自己幻想?定係關老母事? __,致命復活,郭晉安,

上回講到《致命復活》終極Boss係邊個,有人估係SignalWong、黃德斌、萬綺雯及古明華等…個個都相當有嫌疑……不過網上流出n個版本,令人覺得更有吸引力,對「終極Boss」是誰,產生好奇心,有網民認為韋逸昇Vincent(郭晉安)老婆阮喬(萬綺雯),知老公同Ivy(陳庭欣)姦情,為奪保險金而行兇;另有網民覺得係Vincent生意拍檔張國強做嘅……一切都仲係估估吓!以下呢個版本,連日網上瘋傳,可 ...




其他影片:>>






上回講到《致命復活》終極Boss係邊個,有人估係Signal Wong、黃德斌、萬綺雯及古明華等…個個都相當有嫌疑……不過網上流出n個版本,令人覺得更有吸引力,對「終極Boss」是誰,產生好奇心,有網民認為韋逸昇Vincent(郭晉安)老婆阮喬(萬綺雯),知老公同Ivy(陳庭欣)姦情,為奪保險金而行兇;另有網民覺得係Vincent生意拍檔張國強做嘅……一切都仲係估估吓!

以下呢個版本,連日網上瘋傳,可信性一般,但追看性極高!

究竟邊個搞到郭晉安陷入十年悲慘嘅歲月,被困喺荒島山洞,過住野人嘅生活,返香港仲要患上創傷後遺症,回想起不見天嘅慘痛日子,仲出現幻覺,老婆萬綺雯改嫁畀黃德斌,公司又被拍檔吞埋。咁呢場綁架……背後有咩陰謀呢,「終極Boss」有傳係心心心…心姐!王浩信媽咪謝雪心!呢個估估下嘅版本,已經傳咗兩日。睇落去,又好似合情合理。《致》一開始講郭晉安係一個企業醫生,同下屬Max(王浩信)及Ivy去越南公幹,點知被人綁架,呢個係一個「設局」嚟,有網民聲稱Max唔係馬慧琪(謝雪心)所生,細仔Calvin(黃嘉樂)先係親生仔,Max係康文瀚(于洋)同一個越南華僑工人生嘅私生子,生完就被謝雪心趕返越南,于洋成日去越南做生意,另一目的係見舊情人。呢個網民仲話郭晉安、王浩信及陳庭欣被綁架,成件事係謝雪心為咗剷除王浩信,令親生仔黃嘉樂繼承家業嘅設局,咁啱王浩信解決拉鏈廠勞資糾紛,得罪埋當地黑幫,令人以為黑幫報仇先綁架郭晉安等人。網民亦列出另一個疑點……就係綁架郭晉安,又點會開價要求200萬美元做贖金呢?故此相信綁架目標其實係富二代王浩信,綁架郭晉安只係煙幕;即使王浩信被殺,外界都覺得係意外,冇人會懷疑謝雪心。點知,郭晉安同王浩信一齊逃走,王浩信仲走甩咗,而綁匪捉番嘅只係郭晉安,本來啲綁匪以為冇錢收,怎料郭晉安老婆萬綺雯拎咗200萬美金去越南救人。謝雪心未知王浩信逃走咗,就派人喺越南搶走萬綺雯手上嘅錢,唔見咗100萬美金,等綁匪收唔到贖金即「撕票」,將郭晉安、王浩信及陳庭欣殺死之餘,又order黃德斌見到班綁匪即全部「滅口」。呢個「陰謀」就會冇人知!估唔到……機關算盡,郭晉安仍然生還,仲返埋香港追查成件事!

有網民認為阮喬(萬綺雯)知老公Vincent(郭晉安)同Ivy(陳庭欣)姦情,為奪保險金而行兇。(無綫電視截圖) 又有人估係Signal Wong有古怪(無綫電視截圖)
另有網民覺得係Vincent生意拍檔張國強(無綫電視截圖) 謝雪心想綁匪收唔到贖金即「撕票」,將郭晉安、王浩信及陳庭欣殺死(無綫電視截圖) 謝雪心又order黃德斌見到班綁匪即全部「滅口」(無綫電視截圖)
「終極Boss」有傳係心姐謝雪心(無綫電視截圖) (無綫電視截圖) 一切係為親生仔Calvin(黃嘉樂)爭家業(無綫電視截圖)

來源 source: http://s.nextmedia.com
鍾意就快D Share啦!