2016年12月19日 星期一

【獨家】何超瓊重組天機公關 「天下第一關」鄭紹康被踢出局 __,超瓊,何超儀,何超,鄭紹康,何超瓊,

【新增鄭紹康回應】又有公關災難?有「天下第一關」之稱嘅鄭紹康做公關多年,做過唔少公關工作,但近月佢最忙嘅工作,似乎係自己幫自己做「關公」。今年9月,徐濠縈喺ig貼咗陳子聰病癒消瘦相,之後蘇永康開名話徐濠縈經理人、暗指鄭紹康係嫌疑人。當時鄭紹康已即時澄清,阿徐亦證明事件與之無關,但件事牽引出更多支節,包括蘇永康自揭早年鄭紹康曾出3千蚊「侮辱價」揾佢出活動,蘇揚講言拒再合作。蘇永康牽頭爆料,之後陸續有 ...




其他影片:>>






【新增鄭紹康回應】

又有公關災難?有「天下第一關」之稱嘅鄭紹康做公關多年,做過唔少公關工作,但近月佢最忙嘅工作,似乎係自己幫自己做「關公」。今年9月,徐濠縈喺ig貼咗陳子聰病癒消瘦相,之後蘇永康開名話徐濠縈經理人、暗指鄭紹康係嫌疑人。當時鄭紹康已即時澄清,阿徐亦證明事件與之無關,但件事牽引出更多支節,包括蘇永康自揭早年鄭紹康曾出3千蚊「侮辱價」揾佢出活動,蘇揚講言拒再合作。蘇永康牽頭爆料,之後陸續有唔同藝人,或者同鄭紹康合作過嘅「苦主」一人一句狂數佢,花生殼一地都係。《蘋果》收到消息,話鄭生依家做行政總監、由賭王何鴻燊二房大女何超瓊(Pansy)創立嘅「天機公關」想趁年尾,以重組架構為由「清理門戶」,原因係覺得公司嘅業績、聲譽因為某啲人受影響,故必須整頓。重組計劃,第一步於上個星期已公布,就係將天機同Mazarine合併,天機股東榮文蔚嘅表妹、Mazarine揸fit人鄭詩韻(Michelle),會喺兩間公司合併後嘅行政總監,換言之即Michelle嘅職務亦已經取代咗鄭紹康。知情人透露:「鄭生喺天機做咗咁多年,Pansy一直都放晒手俾佢做,亦都從來唔會過問公司嘅嘢。o依家兩間公司突然合併,搵Michelle呢個自己人做行政總監,唔使講都知道原因係乜」鄭紹康除咗幫天機打工,早年自立門戶開咗間「Number One PR」,亦因為咁佢有「天下第一關」嘅稱號。話晒自己生意,鄭紹康一向唔怕辛苦,落力穿梭大小活動,幾乎有巨星嘅地方都會見到佢,仲會第一時間喺自己社交平台貼相,仲好多時都會喺自己公司社交平台,post好多天機接嘅公關job。知情人續稱:「Pansy係一個好唔計較嘅老闆,好多嘢都放晒手俾大家發揮,就算有人自立門戶開 PR公司,Pansy都唔計較,因為當初有人話只係會接天機接唔切嘅job,Pansy諗住成年人有分寸,所以答應。後來先發覺有問題,包括好多客都會混淆兩間公司有關係,公司生意額亦明顯下滑,因為有太多反映嘅聲音,所以決定要『做嘢』。」上星期Pansy出席公司同Mazarine合併酒會,講明以後會退落嚟,笑言以後「呼呼喝喝」嘅工作交畀Michelle做,據知Michelle接棒後第一個任務,就係要幫公司準備「大信封」。不過,佢都尊重Pansy希望可以好嚟好去,希望有人會識趣自動消失,唔使佢哋開「殺戒」,有關消息亦會好快公佈。 剛才鄭紹康喺網上回應:「本人鄭紹康謹此宣佈,早前已辭去並離開天機公關及推廣顧問有限公司首席執行官的職務,在此再次感謝何超瓊小姐,榮文蔚小姐及鄭詩韻小姐過往15年的栽培,獲益良多。本人相信這個是合適的決定,並期待展開人生下一段旅程。祝何小姐及天機公關各同事工作一切順利,新年進步。

鄭紹康

2016年12月19日 @occasionspr」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...