掃呢頁CODE去手機

2016年12月18日 星期日

【多比,唔好喊!】《幕後玩家》龔嘉欣摘女配 喊到收唔到聲 __,嘉欣,李嘉欣,幕後玩家,龔嘉欣,鍾嘉欣,

最佳女配角競爭激烈,最後三強係《一屋老友記》滕麗名、《城寨英雄》王君馨同《幕後玩家》龔嘉欣。最後由龔嘉欣大熱得獎!雖然花曼王君馨為出席頒獎禮缺席岑麗香婚禮,但可惜大熱倒灶,不過王君馨甚有君子風度,為龔嘉欣開心之餘更激動抱抱;而龔嘉欣由宣佈得獎一刻已哭成淚人,同眾花旦抱抱後出去領獎,嘟嘟已經準備定紙巾俾佢。龔嘉欣第一句就謂:「我冇諗過得到呢個獎,因為呢個獎真係好難攞!多謝公司都俾呢個獎我!珍姐多謝你 ...




其他影片:>>






最佳女配角競爭激烈,最後三強係《一屋老友記》滕麗名、《城寨英雄》王君馨同《幕後玩家》龔嘉欣。最後由龔嘉欣大熱得獎!雖然花曼王君馨為出席頒獎禮缺席岑麗香婚禮,但可惜大熱倒灶,不過王君馨甚有君子風度,為龔嘉欣開心之餘更激動抱抱;而龔嘉欣由宣佈得獎一刻已哭成淚人,同眾花旦抱抱後出去領獎,嘟嘟已經準備定紙巾俾佢。龔嘉欣第一句就謂:「我冇諗過得到呢個獎,因為呢個獎真係好難攞!多謝公司都俾呢個獎我!珍姐多謝你呀!多謝你呀!我成日令你失望,但你無放棄我!」又特別多謝樂易玲、余詠珊同杜之克及《幕後玩家》台前幕後,特別係監製陳維冠。龔嘉欣更感激今日提早做冬嘅爺爺嫲嫲:「但我今日都同唔到你哋食飯!我知道你哋睇緊電視,我知道你哋永遠永遠係我嘅後盾。」頒獎嘉賓的安排就有啲怪,分別請來陳豪、張繼聰同馬國明,請三人分別就女配最後三強講下心水之選。陳豪講咗句:「嘉欣吖,嘉欣幾好呀。」司儀嘟嘟即指陳豪唔多講嘢,加多句「真係一個沉實好爸爸」,陳豪即一臉無辜。森美加多腳問陳豪:「定係你覺得龔嘉欣麻麻地咋!講多兩句都冇。」到馬國明呢,佢即拉埋張繼聰扮密密斟,然後一句到尾中:「滕麗名。」冇人投王君馨喎。

又係天然呆
陳豪俾嘟嘟話佢唔多講嘢,加多句「真係一個沉實好爸爸」,陳豪即一臉無辜。 《幕後》監製陳維冠
愛心紙巾

來源 source: http://s.nextmedia.com
鍾意就快D Share啦!