鍾健威突然宣布「婚訊」，話已經同黃美棋結咗婚！
現年27歲的黃美棋與男友鍾健威（Ray）現身機場，擔任慈善大使的二人將帶同逾百位低收入家庭及殘疾兒童出發台灣遊玩。當中Ray透露練定魔術氹小朋友，更練到𠝹傷手。他說：「我細個已經對變魔術有興趣，今次買定魔術道具，但練習時唔小心𠝹親手。」問到他平時可有變魔術冧女友？自認「難氹」的美棋笑言有睇過對方練習魔術的短片，但笑指當中有穿崩位。
突然宣布「婚訊」
二人首度情侶檔出埠工作，問到稍後會否感情加厚而突然宣布結婚，以趕上近日的結婚潮？Ray說：「我哋結咗婚兩年前我哋一齊去洛杉磯拍節目時扮結咗！」美棋聞言笑稱被對方嚇一跳，又急忙解釋當時拍節目因應劇情需要而於當地嘗試不同的結婚方法：「一晚結咗三次，有啲開車去到個亭同佢講想結婚，職員會換衫變神父。（咁真係結咗？）冇。結婚要簽字，我哋冇簽。放心，我哋唔會突然結婚。」
阿媽唔捨得咁快嫁
Ray表示計劃3年後結婚，因其事業未打好基礎，又言美棋媽媽應該不捨女兒出嫁。美棋自言是家中孻女，哥哥及姐姐均不在港陪伴媽媽，故媽媽叫自己不要太快結婚。問到其母親對Ray的印象？美棋笑言ok，但仍有待觀察。她笑言當初宣布拍拖時連母親、經理人及男友都不知情，但如果日後結婚就必定要告訴父母：「結婚唔可以唔講，佢可能斬死我，唔認我呢個女！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
