掃呢頁CODE去手機

2016年12月22日 星期四

胸降影壇!張秀文王晶酒店密會兩粒鐘 __,張秀文,王晶,

張秀文有機會升呢晶女郎!無綫「咪神」張秀文擁有34D巨胸身材,又試曾喺遊戲節目大晒咪咪,成功升呢宅男女神,之後佢「食住條水」,出騷定拍節目都經常性感示人,企硬「咪神」之位!月前,秀文踩入影壇拍攝由王晶監製、林子聰執導嘅電影《男神訓練營》,同「有料之人」高海寧、胡然及莊端兒晒泳裝正面交「峰」,但表現毫不輸蝕!經過呢場「胸」戰,張秀文深受王晶欣賞,東網日前發現張房文同王晶喺酒店密密斟,有機會做埋「晶女 ...


張秀文有機會升呢晶女郎!

無綫「咪神」張秀文擁有34D巨胸身材,又試曾喺遊戲節目大晒咪咪,成功升呢宅男女神,之後佢「食住條水」,出騷定拍節目都經常性感示人,企硬「咪神」之位!月前,秀文踩入影壇拍攝由王晶監製、林子聰執導嘅電影《男神訓練營》,同「有料之人」高海寧、胡然及莊端兒晒泳裝正面交「峰」,但表現毫不輸蝕!經過呢場「胸」戰,張秀文深受王晶欣賞,東網日前發現張房文同王晶喺酒店密密斟,有機會做埋「晶女郎」!

傾到笑晒口

日前大約晚上七點,化住淡妝、戴住眼鏡嘅秀文自己一個去到尖東某酒店,雖然佢只係着住緊身Tee,但佢強勁身材搞到身上嘅公仔變晒形,嗰隻公仔認真可憐,而佢下身短裙仔上陣大騷美腿。之後,王晶就單拖現身酒店,佢哋會合之後喺酒店內嘅日式餐廳密密斟,一傾就傾足兩粒鐘,睇嚟有唔少大計!傾到約晚上九點,佢哋一齊坐電梯離開酒店,佢哋笑晒口咁款,相當投契,王晶仲好有風度咁車秀文離開。

咪咪唔畀漏氣

據知,秀文收到order唔使減肥,以防瘦人變瘦胸,要力保招牌34D咪咪,唔畀「漏氣」!觀乎過往晶女郎例如邱淑貞、朱茵、林熙蕾名關秀媚等,佢哋喺電影度都有超性感演出,令人更期待秀文嘅演出!

唔使減但唔敢食

當晚密會王晶前,秀文為轉型「晶女郎」作好準備,佢單拖喺尖沙咀Shopping買衫。見佢主攻日本品牌潮服,又去首飾櫃檯揀選,店員見到佢即落足嘴頭推銷,最終買咗一條閃爆手鏈。離開商場後,為食嘅秀文行經雪糕店即時眼望望,雖然有話唔使減肥啫,但佢似乎都唔敢亂食嘢,結果齋睇冇買。之後,佢行過小食店時,終於頂唔蒲,買咗一杯消脂飲品,再去酒店會合王晶。


來源 source: http://hk.on.cc
鍾意就快D Share啦!