掃呢頁CODE去手機

2016年12月11日 星期日

【都唔化嘅】大劉自揭家醜累紅顏 __,大劉,劉鑾雄,

冇陰功!江山易改,本性難移!鍾意晒命嘅大劉,晒到連過氣紅顏知己都被唧濕!早排劉鑾雄突然公開數臭舊愛呂麗君,同時梗係不忘一貫晒命唔使本嘅炫富本色,猛講畀咗廿億畀對方,現金手袋鑽石乜都有,柴米油鹽醬醋茶啲濕碎嘢都爆埋,仲驚死全香港七百萬人唔信咁,攞晒啲證據出嚟,吓吓用錢撻人!唔單止我Nuts哥,連牛頭角順嫂遠至深圳嬌姐都話又長氣又討厭,聽到耳仔都生青苔!有人唔怕瘀自揭家醜啫,曾經同佢有過關係嘅女人,都 ...


冇陰功!

江山易改,本性難移!鍾意晒命嘅大劉,晒到連過氣紅顏知己都被唧濕!早排劉鑾雄突然公開數臭舊愛呂麗君,同時梗係不忘一貫晒命唔使本嘅炫富本色,猛講畀咗廿億畀對方,現金手袋鑽石乜都有,柴米油鹽醬醋茶啲濕碎嘢都爆埋,仲驚死全香港七百萬人唔信咁,攞晒啲證據出嚟,吓吓用錢撻人!唔單止我Nuts哥,連牛頭角順嫂遠至深圳嬌姐都話又長氣又討厭,聽到耳仔都生青苔!有人唔怕瘀自揭家醜啫,曾經同佢有過關係嘅女人,都分咗手冇聯絡啦,人哋都已經避之則吉,怕佢先怕米貴,唔想再提呢段不堪回首嘅往事,就係有人出嚟講咁多嘢,搞到曾經交往過嘅蔡少芬又被人翻舊帳,冇陰功!

有誰想傷疤再被觸碰

想當年蔡少芬成為港姐季軍,青春可愛卜卜脆,始終只係得十七歲,真係少不更事兼入世未深,又點會帶眼識人吖!就算大劉當年幫蔡少芬阿媽還賭債都好,蔡少芬從來唔會翹埋雙手飯來張口,反而憑自己努力自力更生!大家真係有眼睇,今時今日蔡少芬呢個名喺中港台無人不識,同老公張晉吸金好似吸濕機咁犀利,仲有一對可愛嘅囡囡!就算佢以前曾經得到大劉嘅幫助,都已經係好多年前嘅事,佢咁努力憑一雙手去建立豐盛人生,請問有邊個成日鍾意記住落難受氣嘅日子?但係往往有人鍾意發吓噏風,無形又再次觸碰到人哋嘅傷疤!己所不欲,勿施於人,做咗六十幾年人所謂見慣世面,呢啲人情道理唔係唔曉嘛?

之前因為健康問題而出唔到庭嘅大劉,飲個茶行步路都要篤住拐杖兼十個八個人睇住扶實,經歷咁多嘢,都好應該明白錢真係唔係大晒,健康先係最寶貴,慳番啖氣暖吓肚但佢又故態復萌晒命晒幸福,讚甘比唔貪錢純過蒸餾水,仲話幾年前已經計劃結婚,噚日仲公布埋早幾日已簽字。

大劉上一次結婚都已經係上世紀、39年前嘅事,當時甘比都未出世。大劉今年六十有五,臨老做多次老襯,點解今次簽字竟然咁低調、要匿埋喺屋企搞?又話幾年前已經計劃結婚,應該搞場大龍鳳出嚟先合晒佢河車乜原來計劃咗幾年、就係計劃喺屋企結婚?唔通要花幾年時間裝修客廳同廚房先結得?尋日甘比以女主人身份出嚟公開活動,之後聲都唔聲就走咗,但唔夠幾粒鐘就承認已經同大劉簽字,仲話要珍惜同老公將來嘅每分每秒!有喜事喎!我Nuts哥都惟有講句恭喜,睇吓大劉今次結婚,係咪真係可以白頭到老咯!


來源 source: http://hk.on.cc
鍾意就快D Share啦!