2016年12月17日 星期六

【《致命》最後劇透】兇手唔係郭晉安 黃德斌死前發現終極秘密 __,《致命》,黃德斌,郭晉安,《致命復活》,

今晚就係《致命復活》大結局,播兩個鐘……究竟bigboss係黃德斌?定係傳聞嘅女人?抑或人人都係bigboss…?玩得再盡啲,其實會唔會有可能係,一切都只係一個夢………被囚嘅郭晉安猛地一覺醒來,仍然身在山洞裡,之前發生的一切只是夢。因為安仔被困十年,太想重獲自由,日有所思夜有所夢…可惜醒來只有孑然一身。呢個係網民推測出嚟嘅結局之一,但唔係冇可能。正如有網民估bigboss係萬綺雯,理據係佢細個嗰陣 ...


今晚就係《致命復活》大結局,播兩個鐘……究竟big boss係黃德斌?定係傳聞嘅女人?抑或人人都係big boss…?玩得再盡啲,其實會唔會有可能係,一切都只係一個夢………被囚嘅郭晉安猛地一覺醒來,仍然身在山洞裡,之前發生的一切只是夢。因為安仔被困十年,太想重獲自由,日有所思夜有所夢…可惜醒來只有孑然一身。呢個係網民推測出嚟嘅結局之一,但唔係冇可能。正如有網民估big boss係萬綺雯,理據係佢細個嗰陣父母婚姻遭第三者破壞,令其變成孤兒,故萬綺雯收到陳庭欣自拍同郭晉安嘅床照之時,盛怒之下做咗一個錯誤決定……重申,係網民自己諗出嚟,tvb.com留言版大把。但都係嗰句,唔係冇可能。其實之前已有多篇報道已出晒劇透,綜合嚟講,就係,1.黃德斌要死;2.郭晉安同萬綺雯happy ending。係唇咪真?想知就睇埋落去。拉落去…

逃生門…

最後逃生門。

好。

結局係,黃德斌係要死。問題係死喺邊個手上。

郭晉安萬綺雯係happy ending,咁big boss會係邊個?講番少少前文先。萬綺雯為阻止黃德斌繼續對郭晉安不利,於是呃黃德斌返越南,話想避世隱居,點知發現黃靜靜雞買咗把槍——其實都唔算靜靜雞,因為俾萬綺雯偷睇到。萬綺雯知道黃德斌一定會殺死郭晉安,於是噚晚倒咗成樽安眠藥(出埋字幕)落煲奶度,想KO黃德斌——唔係咁都聞唔到或者飲唔出嘛……最後萬綺雯落唔到手,而郭晉安原來又買咗把槍,到越南追尋黃德斌下落,結果與分別來阻止佢報仇嘅朱晨麗同王浩信撞番,郭、朱仲俾黃德斌預早埋下嘅土製炸彈彈到飛起,幸冇事。同樣都係黃德斌整嘅炸彈,炸死咗Zoie譚凱琪,但郭、朱就冇事……然後今集就講到,黃德斌終於俾郭晉安捉咗,將佢困於荒島,就係當年郭晉安被困十年嗰個荒島。郭晉安要黃德斌受番佢受過嘅苦,仲想殺死佢,就喺呢個moment,萬綺雯搵到嚟。千鈞一髮之間,萬綺雯挺身阻止郭晉安殺黃德斌,但唔係放黃走,而係同郭晉安講,你唔好郁手,等我嚟。最後黃德斌死咗。死前佢終於發現咗一個殘酷真相…


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...