掃呢頁CODE去手機

2016年12月10日 星期六

女神男神:【攞命小三】日本超靚主播秘嗒體育新聞王子 __,小三,女神,

田中萌同加藤泰平被狗仔隊影到約會。(互聯網圖片)不倫戀係東瀛社會禁忌,日本超靚主播田中萌被喻為朝日電視台門面擔當,點知佢日前被八卦雜誌爆出,暗中同體育新聞王子加藤泰平發展不倫關係,對方係3年前結婚嘅有婦之夫,除咗男方變成賤男,女方同樣形象插水,面臨一齊被飛出節目!25歲嘅田中萌本身同體育好有緣,高校時代係啦啦隊成員,佢喺明治大學政治經濟系畢業,上年加入朝日電視台,曾經被安排採訪日本大學棒球全國大賽 ...


田中萌同加藤泰平被狗仔隊影到約會。(互聯網圖片)

不倫戀係東瀛社會禁忌,日本超靚主播田中萌被喻為朝日電視台門面擔當,點知佢日前被八卦雜誌爆出,暗中同體育新聞王子加藤泰平發展不倫關係,對方係3年前結婚嘅有婦之夫,除咗男方變成賤男,女方同樣形象插水,面臨一齊被飛出節目!

25歲嘅田中萌本身同體育好有緣,高校時代係啦啦隊成員,佢喺明治大學政治經濟系畢業,上年加入朝日電視台,曾經被安排採訪日本大學棒球全國大賽,因為靚女又清純,成為早晨節目收視保證,可惜因為搞不倫戀導致人氣急跌。

田中萌同加藤泰平係早晨節目同事,據電視台內部人士爆料,佢哋喺今年8月開始撻著,不時眉來眼去細聲講大聲笑,甚至有人背後話田中萌係「魔性之女」,好識氹男人歡心,最後佢哋被狗仔隊影到約會斷正,不倫關係浮出水面。

今次事件喺日本好轟動,原因係33歲男主角加藤泰平知名度好高,佢係早稻田大學文學部高材生,讀書時期係足球隊成員,現時主要負責採訪棒球,被捧為體育新聞王子,可惜因為不倫事件,傳聞要同田中萌一齊離開早晨節目。

東網體育同你追實體壇每個精彩時刻! 

http://bit.ly/2ecTF2A 

想撐本地波?即Like我撐本地波Facebook專頁

http://bit.ly/1Wm3E4Q 


來源 source: http://hk.on.cc
鍾意就快D Share啦!