掃呢頁CODE去手機

2016年12月12日 星期一

話年輕藝人得個樣 黎明寸爆城城愛晒命 __,黎明,郭富城,城城,

黎明真係好正!天王黎明(Leon)12月11日50歲生日,但佢個靚仔樣,點睇都唔似50歲囉!但其實近年Leon真係愈嚟愈Young,除咗夠晒貼地開Facebook拍片扮「明福俠」同網友互動之外,佢仲喺演唱會到開埋Live添,令唔少網友大讚Leon夠晒親民同貼地,仲追得上高科技添!重演《甜蜜蜜》近年Leon多咗返內地參加綜藝節目,今次Leon參加內地節目《今夜百樂門》,佢仲重演佢拍過嘅經典電影《甜蜜 ...




其他影片:>>






黎明真係好正!

天王黎明(Leon)12月11日50歲生日,但佢個靚仔樣,點睇都唔似50歲囉!但其實近年Leon真係愈嚟愈Young,除咗夠晒貼地開Facebook拍片扮「明福俠」同網友互動之外,佢仲喺演唱會到開埋Live添,令唔少網友大讚Leon夠晒親民同貼地,仲追得上高科技添!

重演《甜蜜蜜》

近年Leon多咗返內地參加綜藝節目,今次Leon參加內地節目《今夜百樂門》,佢仲重演佢拍過嘅經典電影《甜蜜蜜》踩單車呢一幕!原本呢一幕就係好甜蜜好溫馨,但唔知係咪工作人員知道黎明佢喜劇細胞太豐富,要求上演「諜戰版」同「殭屍版」。首先Leon同女演員上演「諜戰版」先,見戴住黑超嘅Leon係咁同女演員走嚟走去好交戲,期間除低副超仲擺出迷人chok爆眼神,真係電暈唔少網友,期間仲大講單車嘅英文、火星文、泰文同日文,啱唔啱音就冇人知但Leon讀嘅時候自信滿滿,真係唔啱都當佢啱!

之後佢再上演「殭屍版」,嗱!劇組真係做到足存,堅係搵咗兩個臨記扮殭屍,Leon都有交足戲扮驚同女演員踩單車「走佬」,點知走走吓唔對路,Leon竟然趕個女演員走,點知個女演員唔肯走,結果Leon出動埋個「八月十五」諗住頂走個女演員,睇到呢到唔少網友都大讚Leon夠可愛,喺鏡頭面前毫無架子做得咁放,仲話估唔到佢咁有喜劇細胞,仲叫Leon不如從呢方面再發展,真係分分鐘拎埋影帝架!

再爆金句

除咗睇Leon演技,當然唔少得就係Leon嘅金句喇!今次Leon都即場「金句王」上身,自嘲依家演技同唱歌都係好一般,又話其實好多男藝人都同佢一樣,不過可惜佢哋生不逢時:「現在很多年輕的演員長得很帥,演技一般,唱歌也一般,其實我當年也一般,到現在也是一般,惟一替他們不值的就是因為他們生不逢時,假如早20年出生,今天已經是天王了!」佢一講完令全場觀眾都歡呼聲四起,令唔少網友都高呼「我愛黎明」,同埋話每次聽到黎明講嘢都會學到好多嘢,獲益良多!

另外,黎明出場嘅時候拎住有自己個樣遮住自己塊面唱歌,其實同時間都有冒牌郭富城同張學友,點知黎明喺呢個時間公然寸爆真.郭富城,話終於明白郭富城同佢講點解揸車要揸慢啲:「比如說我和郭富城聊天,他整天勸我說:『黎明,你開車開得慢一點。』我到現在才聽懂是甚麼意思,原來他想跟我炫耀。」其實舊年郭富城喺微博上載同女友方媛拖手相公開戀情,仲留言:「這樣開車要慢一點」

網友有話兒:

Rxxxel xx:黎明保養的真好

Coxxxna Sxxxnsen:黎明一點架子都没有, 真好。

Ada Yxxng:哇。真· 黎明

Guat Chxxg xxm:Leon 好厲害,好搞笑好好看,好喜歡Leon

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!