2016年12月19日 星期一

張頴康攞獎想酒後亂性 麥雅緻:好變態 __,麥雅緻,張頴康,

阿康恨B恨到出晒面。藝人張頴康繼馬來西亞奪獎之後,再下一城喺《萬千星輝頒獎典禮2016》奪得「飛躍進步男藝員」獎項,心情興奮嘅張頴康同埋太太麥雅緻一齊接受訪問,麥雅緻對於老公有獎攞覺得難以置信,仲爆張頴康賽前唔想佢出席支持:「老公問咗我好多次係咪真係嚟,因為之前收到好多朋友嘅祝福,佢有好大壓力,怕攞唔到會𤓓,令支持佢嘅朋友失望。」一直恨有多個小朋友嘅張頴康搞笑話,要藉住攞獎呢個機會,返屋企飲酒慶祝 ...


阿康恨B恨到出晒面。

藝人張頴康繼馬來西亞奪獎之後,再下一城喺《萬千星輝頒獎典禮2016》奪得「飛躍進步男藝員」獎項,心情興奮嘅張頴康同埋太太麥雅緻一齊接受訪問,麥雅緻對於老公有獎攞覺得難以置信,仲爆張頴康賽前唔想佢出席支持:「老公問咗我好多次係咪真係嚟,因為之前收到好多朋友嘅祝福,佢有好大壓力,怕攞唔到會𤓓,令支持佢嘅朋友失望。」

一直恨有多個小朋友嘅張頴康搞笑話,要藉住攞獎呢個機會,返屋企飲酒慶祝同老婆大玩酒後亂性,麥雅緻表示:「佢好變態,唔畀我減肥,要我同佢生多個生至可以減。」張頴康同老婆打情罵俏話:「你唔係肥,呢啲叫做有福氣,(趁機今晚造人?)想咗兩年,太太九點要開工,我都有嘢做,之後實有機會,只要老婆肯……」去到呢個位,老婆麥雅緻頂唔順張頴康係咁講生仔啲嘢,出手掩住佢個口唔畀佢再講,張頴康仲要掹開老婆隻手講多一次好想要小朋友,佢哋啲恩愛幸福真係隔住個mon都感受到。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...