馬國明同徐子珊今日喺港鐵彩虹站出席「開心搭‧生日奬」活動主禮嘉賓，對於喺大台頒奬禮當晚，個個企晒起身祝賀出爐視帝陳展鵬，唯獨馬國明仍然「天然呆」（新聞連結： http://bit.ly/2hPE5wq ），馬國明呼冤咁話：「我唔明點解要企起身，展鵬坐我隔籬，宣佈之後我有恭喜佢，同佢握咗手。」有網民指馬國明搬貨搬到攰，馬國明笑住話：「唔係，唔明點解宣佈得奬時，焦點喺我度，再攬企起身好刻意啫，後排好多人都冇起身，唔使攬住啦，兩個麻甩佬，咁樣喇，我承諾下年宣佈嗰陣，我會企起身、拍兩吓手、打兩個空翻。」記者叫佢記得到時找數，子珊亦都話：「你搶風頭！」馬國明再話：「唔使咁留意我。」對於郭晉安輸畀陳展鵬，網民似乎有啲微言（新聞連結： http://bit.ly/2hOUy1F ），馬國明話：「又唔可以咁講，展鵬攞都好合理，大家都撐，坦白講，安仔都攞咗3屆，唔通安仔今年攞唔到，啲人會質疑佢嘅演技咩？」但提到有人質疑陳展鵬嘅演技，馬國明認為《城寨英雄》好受歡迎。之但係《城寨》受歡迎唔代表演技好，馬國明未有正面回應，只係話：「邊個攞都開心，我就當party去參與，邊個攞都開心。」談及周驄奪「萬千光輝演藝大獎」時，字幕出錯「聰」（新聞連結： http://bit.ly/2hPy2b6 ），覺唔覺得對周驄唔尊重？馬國明話：「打嗰個唔係刻意，如果刻意就唔尊重，我諗係忙中有錯啫，少少大意，但我覺得佢無心，香港人開心啲」提到馬國明蹺實唐詩詠行紅地毯，馬國明解釋係公司嘅安排：「唔好咁敏感，如果唔係城城（洪永城）唔開心就唔好」講到今年大台頒獎禮嘅收視低迷，馬國明話：「0依家好多人都上網睇，睇電視劇嘅習慣係改變咗。」此外，徐子珊透露23日喺芝加哥登台，但由於當地有大風雪，佢擔心行程受阻。
| （攝影：陳俊強） | | |
| | | |
|
鍾意就快D Share啦！
|
|
|
