2016年12月24日 星期六

【B仔瞓足全程】伍詠薇帶齊人探陳敏之 __,伍詠薇,陳敏之,

伍姑娘呢個大姨媽開心到呢!37歲「索腿天后」陳敏之喺21日冬至剖腹誕下7磅幾嘅B仔,囝囝趕喺冬至同爸爸媽媽團圓,夠晒溫馨。日前就有陳自瑤同DJ阮小儀去咗探敏之,今次就嚟到「大姨媽」伍詠薇(伍姑娘)去見呢個冬至Baby「小雷球」~~伍姑娘上載咗好多張探小雷球嘅相去社交網,相見到伍姑娘帶埋老公練海棠、哥哥RichardEng去見敏之同B仔,又有好多卡通氣球做背景,成個畫面充滿童真,而小雷球就全程瞓覺覺 ...


伍姑娘呢個大姨媽開心到呢!

37歲「索腿天后」陳敏之喺21日冬至剖腹誕下7磅幾嘅B仔,囝囝趕喺冬至同爸爸媽媽團圓,夠晒溫馨。日前就有陳自瑤同DJ阮小儀去咗探敏之,今次就嚟到「大姨媽」伍詠薇(伍姑娘)去見呢個冬至Baby「小雷球」~~

伍姑娘上載咗好多張探小雷球嘅相去社交網,相見到伍姑娘帶埋老公練海棠、哥哥Richard Eng去見敏之同B仔,又有好多卡通氣球做背景,成個畫面充滿童真,而小雷球就全程瞓覺覺豬,反而咁樣就方便咗佢哋影靚相,仲見到伍姑娘送咗利是同靚靚玉鈪畀小雷球㖭,小雷球就算瞓咗都好識做,捉到隻玉鈪實一實,非常搞笑!伍姑娘寫道:「昨天探契妹migu及她的寶貝BB小雷球😍😍😍😍可愛到不得了😝😝摟著(着)你……盡在不言中⋯⋯妹子,你叻叻👍恭喜你及V仔👏今次見面你已為人母,難形容感受。衷心祝福你們一家三口平安健康快樂👍愛你」

買玉鈪過程夠晒轉折

做咗「大姨媽」嘅伍姑娘接受東網訪問,自爆玉鈪仔非名貴之物:「唔係十幾蚊呀、幾萬呀嗰啲嘢,價錢唔好問,心意最緊要,因為當時買嘅時候好倉卒,我要排舞台劇,搵咗個識揀玉嘅朋友幫手去摷,用wechat send相send片畀我遙控篩選,揀到呢隻大家都話好靚,價錢又啱,就即刻扑搥。佢哋都話呢隻鈪真係好靚,戴出嚟真係威水。我自己就覺得錢唔緊要,最重要係色澤通透、可以定驚。第一個BB,『家姐』都要送啲名貴啲嘅嘢畀佢,都唔係平嘢嚟㗎。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...