掃呢頁CODE去手機

2016年12月1日 星期四

太太佗B六個月遇車禍 蘇永康嚇到標屎 __,蘇永康,

好彩冇事咋!今年49歲嘅蘇永康(阿公)同任職時裝品牌AlexanderMcQueen亞太區總裁嘅老婆馮翠珊(Anita)後日(2/12)就踏入結婚2周年,不過今日他就有另一件喜事宣布,就係同老婆造人成功,仲要係一索得男,令阿公有仔送終,唔使靠好友張衞健幫忙擔幡買水!今年年屆40歲嘅Anita屬高齡產婦,阿公當然要對佢悉心照料,仲特登請咗司機專負接載老婆出入,不過佢接受東網電話訪問時,大爆老婆上星期 ...




其他影片:>>






好彩冇事咋!

今年49歲嘅蘇永康(阿公)同任職時裝品牌Alexander McQueen亞太區總裁嘅老婆馮翠珊(Anita)後日(2/12)就踏入結婚2周年,不過今日他就有另一件喜事宣布,就係同老婆造人成功,仲要係一索得男,令阿公有仔送終,唔使靠好友張衞健幫忙擔幡買水!

今年年屆40歲嘅Anita屬高齡產婦,阿公當然要對佢悉心照料,仲特登請咗司機專負接載老婆出入,不過佢接受東網電話訪問時,大爆老婆上星期喺銅鑼灣遇上驚險車禍,嚇到阿公標屎!事緣佗住六個月B嘅Anita放工之後坐司機車返屋企,期間被另一架車突然攔腰衝撞,阿公話:「佢(老婆)都有驚一驚,但佢好冷靜咁打畀我話炒車,唔關司機事,佢咩事都冇,依家搭的士番屋企。」

搵律師跟進

阿公表示當時聞大肚太太撞車個心即時離一離,立即仆落寓所樓下等老婆平安回來,並詳細問太太身體可有不適,佢話:「好在佢冇異常反應,唔需要入醫院檢查,我覺得最緊要人冇事,BB都冇事,司機冇事,it's a lucky baby!」佢又話警察到場後,見到太太係大肚婆就先行畀太太離開回家休息,留待司機代為善後。問到座駕損毁情況?阿公表示:「架車爛得幾嚴重,倒後鏡都撞爛埋,維修費需要十幾萬。」問到係咪損失慘重?阿公霸氣話:「最緊要太太、BB同司機冇事,我唔怪個司機,唔介意我蘇永康大口氣講句,只要可以用錢解決到嘅,而我蘇永康又可以畀到嘅,呢啲唔係問題。」不過阿公覺得今次交通意外疑有人失誤導致,故一定追究到底,佢話:「我已經搵咗律師跟進,進入咗法律程序,你都知我最鍾意搵律師跟進嘛。」

唔抗拒同粉絲合照

今次老婆同腹中「蘇蝦」能夠母子平安,阿公覺得真係非常幸運,為咗多謝上天嘅保佑,一直低調行善嘅佢都話會繼續積極做更多善事:「之前做嘅(善事)好多都係喺內地,近呢一、兩年我做番多好多(善事)喺香港,例如帶啲朋友去深水埗明哥度食碟飯都放低成千銀,但我唔諗住做義工喇,怕添人麻煩,當我去派飯嘅時候,人人湧過嚟影相就添亂。」阿公強調享受同歌迷合照,因為佢曾試過被冷落:「咁我係曾經衰過,係X街過嘛,我試過企喺街度冇人叫我影相嗰種感覺,有晚我去銅鑼灣幫老婆買窩夫,企喺門口都同成棚人影一大輪相,我絕對唔抗拒,好開心添。」

有朋友話送車

而喺阿公宣布太太佗B前,東網日前都已經捕獲到呢對準父母拍拖出巡!據知兩人當晚約咗朋友食飯,披住外套嘅Anita孕味極濃,面圓圓、挺住巨肚嘅佢行路嘅時候好緩慢,阿公就好體貼咁幫老婆拎住紙袋,不過佢好論盡,係咁跌嘢要烏低身執,而兩人所乘坐的名貴座駕,就係事隔幾日後被撞損的「太太專車」,好在阿公朋友知佢被撞爆車,隨即爭取向佢「送」車,佢感恩話:「好感謝,依家我要人有人,要車有車。(要錢有錢?)希望啦,我要努力搵錢,因為養細路好貴,本來想退休瀟灑做人,依然有排捱,但都好開心嘅。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!