2016年12月27日 星期二

【放下與施明舊情】 71歲「阿爺廚房」李家鼎再婚 組織新家庭 __,李家鼎,

「鼎爺」李家鼎近排因為主持《阿爺廚房》教整嘅食材夠晒貼地,煮法又唔難,所以獲激讚,今日有周刊話年屆71歲嘅鼎爺,自從喺94年同施明離婚之後,雖然佢多次公開表示希望可以同前妻復合,不過一直打動唔到施明,最終惟有放棄咗舊情,年前識咗一個年近60歲、貎似楊思琦嘅女友,兩人一拍即合,再婚組織家庭。報道話性格剛烈嘅鼎爺喺現任太太面前,竟然收晒火,講句說話都陰聲細氣溫柔過人,就算未有人飲過佢哋餐喜酒,但係人前 ...


「鼎爺」李家鼎近排因為主持《阿爺廚房》教整嘅食材夠晒貼地,煮法又唔難,所以獲激讚,今日有周刊話年屆71歲嘅鼎爺,自從喺94年同施明離婚之後,雖然佢多次公開表示希望可以同前妻復合,不過一直打動唔到施明,最終惟有放棄咗舊情,年前識咗一個年近60歲、貎似楊思琦嘅女友,兩人一拍即合,再婚組織家庭。報道話性格剛烈嘅鼎爺喺現任太太面前,竟然收晒火,講句說話都陰聲細氣溫柔過人,就算未有人飲過佢哋餐喜酒,但係人前人後已經向稱呼女友做老婆,雖然大家都離過婚兼有仔女,早兩年太太仲做咗婆婆,不過鼎爺當正係自己孫女咁去錫,仲成日帶佢周圍玩。與此同時,有知情人士話鼎爺同細仔李永豪嘅關係好好,鼎爺試過帶埋現任太太去睇阿仔賽車,永豪亦都表現好接受,大家嘅關係好好。反而鼎爺同泳漢關係一般,早前泳漢接受《蘋果》訪問,提到當日競選立法局議員,鼎爺未有打過電話俾佢,原因為佢嘅家庭唔係好鍾意佢。反而前妻施明感情一片空白,多年嚟潛心向佛,寄情湊孫。(新聞連結:

http://bit.ly/2b5KRtJ)今日向鼎爺了解,但係佢話:「唔好意思,唔方便答你地。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...