掃呢頁CODE去手機

2016年12月27日 星期二

4大女神誘人煮麵 問你點頂? __,女神,

如果4大女神為你煮麵,你會揀邊個呢?相信大家睇無綫劇集都會聽到有句對白:「肚唔肚餓呀?煮個麵畀你食呀!」就算唔睇劇,呢句說話你屋企人,甚至連另一半都一定同你講過啦!今次無綫就派出四位女神鄧佩儀、陳瀅、沈卓盈同張秀文演繹呢個「經典對白」,仲搵嚟今屆香港先生亞軍丁子朗演發夢見到4大女神為佢煮麵㖭,務求令網友有唔同視覺同聽覺效果!網友嗌頂唔順!打頭陣有幾時都散發住女人味嘅沈卓盈上場,以高貴大方示人嘅佢, ...


如果4大女神為你煮麵,你會揀邊個呢?相信大家睇無綫劇集都會聽到有句對白:「肚唔肚餓呀?煮個麵畀你食呀!」就算唔睇劇,呢句說話你屋企人,甚至連另一半都一定同你講過今次無綫就派出四位女神鄧佩儀、陳瀅、沈卓盈同張秀文演繹呢個「經典對白」,仲搵嚟今屆香港先生亞軍丁子朗演發夢見到4大女神為佢煮麵㖭,務求令網友有唔同視覺同聽覺效果!網友嗌頂唔順!打頭陣有幾時都散發住女人味嘅沈卓盈上場,以高貴大方示人嘅佢, ...




其他影片:>>






如果4大女神為你煮麵,你會揀邊個呢?

相信大家睇無綫劇集都會聽到有句對白:「肚唔肚餓呀?煮個麵畀你食呀!」就算唔睇劇,呢句說話你屋企人,甚至連另一半都一定同你講過今次無綫就派出四位女神鄧佩儀、陳瀅、沈卓盈同張秀文演繹呢個「經典對白」,仲搵嚟今屆香港先生亞軍丁子朗演發夢見到4大女神為佢煮麵㖭,務求令網友有唔同視覺同聽覺效果!

網友嗌頂唔順!

打頭陣有幾時都散發住女人味嘅沈卓盈上場,以高貴大方示人嘅佢,邊行兼邊除耳環同項鏈,真係令唔少網友都大叫想入非非。雖然沈卓盈冇晒招牌長腿,但佢就有大晒香肩,加上輕撥頭髮講句:「煮個麵畀你食呀!」令到唔少網友大呼頂唔順!

其實頂唔順又點止得一個?之後就到近日網友最愛嘅鄧佩儀,着到成個戰鬥格晒長腿嘅佢,企定定喺茶水間等人嚟煮麵,麵都未食就先送上飛吻一個,之後唔知點解係咪熱得滯,冇啦啦除皮褸同着長Boots,之後仲要坐埋上枱等個杯麵熟,加埋個咬筷子誘人動作,成個套餐真係世界級呀,唔少網友都希望做丁子朗,仲話個杯麵可唔可以焗得耐少少㖭!

之後就到平時性感示人嘅張秀文,但佢今次就密實上陣,大玩甜美可愛感覺,一嚟就Sell功架,係咁切菜切配料煮咗碗勁足料嘅麵,係咪好想食呢?最後就到陳瀅扮空姐,勁溫柔咁問丁子朗係咪唔舒服呀?認真體貼!

餐餐食杯麵都得

呢四位女神都各有特色,網民仲話如果四個一齊煮麵畀自己食,都唔知點算好?但大部分網民都傾向想揀鄧佩儀,話佢夠晒性感同野性,仲話咁樣煮杯麵法,真係餐餐食杯麵都完全冇問題呀!唔知大家又會揀邊個女神呢?

網友有話兒:

xxing xxng:四個點揀呀?

Nexx Hx:鄧佩儀好正呀!

Lxxiax Txx:如果係鄧佩儀我日日食杯麵都得!

xxi xxng:鄧佩儀好性感!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!