掃呢頁CODE去手機

2016年12月14日 星期三

拍過強姦戲 24歲鄧佩儀個Package好掂 __,鄧佩儀,

鄧佩儀喺短短2年幾內,唔止外觀,連演技都改變咗好多!由小女孩變男仔頭、由冇演技變獲網民讚賞,180度大變身嘅鄧佩儀令大家刮目相看!為咗無綫劇《幕後玩家》剪短頭髮嘅鄧佩儀,喺劇中有唔少戲份,仲一洗清純形象性感上陣,相當有驚喜!初生之犢演技生硬鄧佩儀2013年喺溫哥華回流返港參選華姐,最後仲奪得冠軍寶座,順理成章入行!其實佢都係一個90後,依家都係得24歲,分分鐘後生過你同我!佢第一部拍嘅劇就係201 ...


鄧佩儀喺短短2年幾內,唔止外觀,連演技都改變咗好多!

由小女孩變男仔頭、由冇演技變獲網民讚賞,180度大變身嘅鄧佩儀令大家刮目相看!為咗無綫劇《幕後玩家》剪短頭髮嘅鄧佩儀,喺劇中有唔少戲份,仲一洗清純形象性感上陣,相當有驚喜!

初生之犢演技生硬

鄧佩儀2013年喺溫哥華回流返港參選華姐,最後仲奪得冠軍寶座,順理成章入行!其實佢都係一個90後,依家都係得24歲,分分鐘後生過你同我!佢第一部拍嘅劇就係2014年《點金勝手》又係同黃宗澤合作,初生之犢嘅佢就被批講對白生硬,不過都有唔少讚賞,之後都有唔少拍劇機會!好似2015年《衝線》、2016年《公公出宮》,但都係第四女主角或者客串,真係唔講都可能唔知有佢存在……冇存在過大家深深的腦海裏!

《律政強人》拍強姦戲

不過,早前嘅《律政強人》,佢已經有破格演出,就係拍強姦戲!飾演Model仔嘅佢被姦後仲死埋,但睇嚟大家都唔記得……直至呢套《幕後玩家》,網民終於留意到佢!而佢嘅演技真心有進步,仲挑戰埋喊戲,對於一個新人嚟講,喊得有戲絕對唔易!喺嚟緊嘅新劇《不懂撒嬌的女人》繼續性感演出,網民都希望佢有機會上位,話佢前途無可限量呀!

長髮VS短髮

講開又講,鄧佩儀細細個已經係美人胚子,大個咗仲成功「升價N倍」!佢有田徑底子又識彈琴,精通兩文三語,堅係文武雙全,所以呢,獲封「女神」都唔係得個樣㗎!不過,佢把長長秀髮都幾令人懷念,但佢依家個短髮係幾清爽,成個人都好Girlfriendable囉,真係成個Package都好掂!By the way,唔知佢有冇諗住留番把長髮呢?

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!