2016年12月22日 星期四

王祖藍特別關照陳明恩 [壹週刊 - 1398] __,陳明恩,王祖藍,祖藍,M1,

發現鏡頭,牛記笠記嘅陳明恩愕一愕。同你吟一吟王祖藍特別關照陳明恩由《老表,你好嘢!》、《老表,你好hea!》,到而家拍緊嘅《老表,畢業喇!》,戲份多少冇所謂,但鬼妹陳明恩都有份埋位。香港出世,正宗白皮黃心嘅陳明恩,演藝畢業,精通廣東話、普通話,校友王祖藍特別照顧,乜都預佢一份。上星期二(十三日),唔使開工,陳明恩約咗兩個港女朋友去銅鑼灣行街,之後搭的士轉地點再hea,因為要等多個朋友,幾個人企响的 ...


發現鏡頭,牛記笠記嘅陳明恩愕一愕。

同你吟一吟

王祖藍特別關照陳明恩

由《老表,你好嘢!》、《老表,你好 hea!》,到而家拍緊嘅《老表,畢業喇!》,戲份多少冇所謂,但鬼妹陳明恩都有份埋位。

香港出世,正宗白皮黃心嘅陳明恩,演藝畢業,精通廣東話、普通話,校友王祖藍特別照顧,乜都預佢一份。上星期二(十三日),唔使開工,陳明恩約咗兩個港女朋友去銅鑼灣行街,之後搭的士轉地點再 hea,因為要等多個朋友,幾個人企响的士站傾咗成廿分鐘,等齊人先上車。

發現《壹》仔影相,陳明恩先驚後喜,之後仲笑到揞晒嘴。紅又好,唔紅又好,《壹》仔都係見乜影乜,陳明恩你多啲去銅鑼灣、中環、金鐘走動啦,影多幾次就慣。

跟住撥頭髮執企理自己,陳明恩俾同行朋友指住笑。

三輯《老表》都有份,一樣係演藝出身嘅陳明恩,特別得到王祖藍關照。

撰文︰八珍


鍾意就快D Share啦!
Related Posts Plugin for WordPress, Blogger...