2016年12月22日 星期四

錫住拍拖一年朱韵韵 余文樂台模密照一粒鐘即刪 [壹週刊 - 1398] __,余文樂,M1,

探熱針錫住拍拖一年朱韵韵 余文樂台模密照一粒鐘即刪今年十月,余文樂被眼利網民踢爆,有個索爆長腿模特兒女友朱韵韵後,當事人以「拍拖唔會唔認」回應,但唔夠一個月,他又將為女友慶祝生日的短片開心share,令二人親密關係進一步公開。向來多女埋身的余文樂,早前在台灣出席活動時繼續被女圍,更與另一台灣索模Kayla合照,不過,合照上載網上一粒鐘即被刪。曲線認戀情習慣戀情低調處理的余文樂,以近期潮人熱玩的「假 ...


探熱針

錫住拍拖一年朱韵韵 余文樂台模密照一粒鐘即刪

今年十月,余文樂被眼利網民踢爆,有個索爆長腿模特兒女友朱韵韵後,當事人以「拍拖唔會唔認」回應,但唔夠一個月,他又將為女友慶祝生日的短片開心 share,令二人親密關係進一步公開。

向來多女埋身的余文樂,早前在台灣出席活動時繼續被女圍,更與另一台灣索模 Kayla合照,不過,合照上載網上一粒鐘即被刪。

曲線認戀情

習慣戀情低調處理的余文樂,以近期潮人熱玩的「假人挑戰」( Mannequiu challenge)慶生短片,曲線確認二十九歲長腿索模朱韵韵的女友身份;在樂仔上載片段前幾個鐘,朱韵韵亦在 Ig表示「最重要日子給最愛的人」,對晒愛一事,二人明顯早有共識。

「阿樂同 Angel(朱韵韵)拍咗拖一年,兩個人成日黐到實,四月樂仔去咗台灣一轉,十月佢喺北京開鋪, Angel亦特登同老死 Elva(倪晨曦)飛過去捧場,身邊朋友都覺得佢兩個好襯好夾。」知情者說。

幾粒鐘後,余文樂將跟她慶祝生日的片放上 ig,曲線承認戀情。

朱韵韵生日當天透露,最重要留給最愛的人。

余文樂左手紋了一隻眼,有指是朱韵韵(右圖)眼睛。

朱韵韵有愛的紋身。

泳衣晒紋身

正忙於跟老拍檔楊千嬅拍《春嬌救志明》的余文樂,早前突然現身台灣,出席曾經傳緋聞的周冬雨成為金馬獎影后慶祝 party。雖然名草有主,但余文樂異性緣旺,在台灣期間,當地索模 Kayla亦主動埋身。

「阿樂同 Kayla影咗張合照,當時佢已經好醒咁,刻意將頂帽拉低遮住半塊面,雖然只係見到頂帽同個鼻,但大家一睇就認得出係阿樂,有朋友留言講笑,話 Kayla呢個『老公』好靚仔,可能怕俾人話佢乘機抽水,總之, Kayla放咗張相上社交網一粒鐘,之後就突然刪咗。」知情者說。

樣靚身材正的台模 Kayla,經常上載泳照同朋友分享,跟余文樂一樣是潮人,亦愛紋身,她的左膊、腰以及右邊身都有細字紋身

圖案。

返到香港,余文樂在中環拍《志明救春嬌》,其中一場戲講述他跟秦沛組 BAND唱歌,他的造型搞笑。

成日周圍飛的余文樂,早前突然出現緋聞拍檔周冬雨在台北舉行的慶祝 P。

余文樂愛耷低頭擺 pose。

台模 Kayla將跟余文樂的合照放上 ig後,一粒鐘即刪。

Kayla樣靚身材正,經常大晒泳照騷 quali。

Kayla的 ig亦有幫視為男神的余文樂賣 Madness廣告。

偏愛長腿囡囡

余文樂的女友榜中,除了阿嬌鍾欣桐身形細粒,其他都擁有一雙長腿,包括相戀六年的黄伊汶,更加出名好身材。

盧巧音

初出道時,余文樂跟大自己七年的盧巧音合作廣播劇撻着,其後余文樂轉戰台灣拍偶像劇,跟對手楊丞琳戲假情真, 02年同盧巧音分手。

黃伊汶

02年,戀上同一經理人公司歌手、擁有 42吋長腿的的黄伊汶, 08年分手後,對這段情一直放唔低的余文樂,多次要求復合,但遭女方拒絕。 14年,黃伊汶正式成為人妻,跟演員陳國坤在峇里島行婚禮。

吳雨霏

13年情人節二人在赤柱拖手斷正,其後又被發現拍拖歐遊,不過戀情只維持半年便結束,今年初,吳雨霏跟初戀男友「網球王子」洪立熙結婚。

朱韵韵

跟 42吋長腿港模朱韵韵秘撻一年,二人著情侶裝外,余文樂左手更有女友愛的紋身,上月樂仔更將跟女友慶祝生日片放上 ig,承認情侶關係。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...